سر يا قلم وانظم جميلات الأبيات=وارفع مبانيها على قد فكري
دون مثايل هاجس توها جات=قدام لا غيرك من الخلق يدري
ماني بفاعل شي من غير ميقات=الأمر أمر الله ماهو بامري
اشاهد الأيام طلعة ونزلات=كل يسوق النفس والعمر يجري
والوقت لو نحسبه كله سويعات =موزعة ما بين عسر ويسري
الطفل يولد بين فرحة وصرخات =والدم في كل الشرايين يجري
والغيث أول هزعة الغيث قطرات=وليا تناشا النو يالله تذري
والنبت يقسى وأوله من وريقات =يغدي هشيم بعد ما كان بذري
كل حي مهما عاش يلحق بالاموات=ماله خيار الأمر ماشي بقدري
بعد الحياة يصير في قبره رفات=مرهون بالأعمال خير وشري
أما سعيد وساكن وسط جنات=والا شقي بناريصلاه جمري
التميز
الإهداءات
رد: الأيام طلعة ونزلات؟؟؟
