السهر يا عيوني صار بالليل عاده !!!

طابت أوقاتكم

الأبيات كالعادة بدون مقدمات

...................

السهر يا عيوني صار بالليل عـاده=مير ربي يعينك زادك الرب قوه
ماتهنيت بفراشي وحلو الوساده=اتقلب وهمي داخل القلب جــوه
لو نومي على ما قيل يحسب عباده=لأجل عين الغلا ما قلت للرمش سوه
مير أنا يا عيوني عاشقٍ(ن)للسعاده=والسعادة مع اللي يمطر الفكر نوه
اتمنى واخايل طيف راع القلاده=ودي اسهر مع اللي ينعش الروح جـوه
صاحبي مأخذٍ(ن)فوق العذارى سياده=بالحلا والغلا والذوق صاحب مروه
ريحته ورد والمنطوق سكر زياده=يشبه الشمس نوره والقمر منه ضوه
يوسفي الجمال وفيه دل ورشاده=فأول العمر توه فأول العمر تـوه
لا ذكرت لبعاده صاب عقلي بلاده=حلو نومي يطير ولا يعرف الأخوه
ليت ربي يجيبه قبل نطق الشهاده=وأدعي الله حبيبي بالزمن لا يسوه
السهر يا عيوني صار بالليل عاده=مير ربي يعينك زادك الرب قوه

صح لسانك واعتلا شانك ابدعت لا هنت



تقبل التحية

صح لسانك ولا هنت


ابداع لا يستغرب منك


تقبل التحية

لله درك


صح لساااااااانك وبيض الله وجهك


تقبل اعجابي واحترامي

صح لسانك بدعت قصيدة رائعة


تقبل الاحترام

صح نبضك واحساسك شاعرنا وربي يسعد ايامك ويريح بالك

تسلم الايادي وصح نبضك واحساسك استاذنا

رائعة من روائعك صح لسااااااااانك سيد القوافي

شكرا لكم جميعا أسعدني حضوركم وردودكم الطيبة


تقديري للجميع

ابداااااااااااع


صح لسانك مليون ولا يكفون