الطارف سداد

الله يمسيكم بالخير ياعتيبه ودي العب مع الطارف منكم وحقيقه اني ارتحت للرجال الطيبه امثالكم

سلامي عليكم ياعتيبه هل الوديان= هل الوادي اللي جدهم كان محتله
بااسمي عليكم بعد عوذه من الشيطان= ومن هو بغى له قصر يرتاح في ظله

الله يمسيك بالخير والعلم الزين وحيا الله سليم وشاعرها واستلم لاهنت

هلا مرحبا ترحيبة قبلها الرحمن= وترحيبة(ن) باسم الولي مابها خله
عسى الله يحييكم وانا مكرم الضيفان= وقبل الذبيحه عندي الهيل والدله

طيب طيب واستلم

الا يالعتيبي جود لورثة الجدان= ترى مذخر الجدان كنز(ن) من الغله
طروقك تغنيها وكنك من الهذلان= وانا ابغاك فارس لاعسر ضلع تحتله

استلم يالذيب

انا حافظ الورثه وبيتي على السيسان= توقع توقع زين ياحادر الجله
طروقي مغنيها ولاباس بالظفران= وانا ديرتي عن ديرة سليم منتله

انا اوحيت لي علم(ن) يروج مع العربان= يقولون شفنا سبحة القوم منهله
ليا راغت الحبه وهست عن النيشان= لقينا فواريس(ن) تجيب السلب كله

ليا اوحيت علم احذر تجيبه من الغلطان= ومن يصغي لغلطان ياعلة العله
ليا ذابت الحبه تبا تعرف الخسران= وحنا نعقد الحبل ياهيه ونحله

طيب طيب

ليا صار وضعك زين وضعي فانا كسبان= اغني على الطاروق يالذيب وادله
ترى علمكم مثبوت في داخل الديوان= وكيف العتيبي يبدل البيت بالفله

يمسيكم الله بالخير ..

وصح الله لساااانكم .. ولا هي غريبة عليكم هالجزالة الطيبة ..

متابع لكم ..



كل الود
...

انا اقول مازينك غير الحدب شامان= من كفوف قوم(ن) تلتهب كنها المله
علوم(ن) نظيفه ترفع الراس ياخبلان= وعتيبه تغامر مادخل قلبها ذله

اشكر اخوي السيف على المرور العطر