الحلم غيَر نواياه !!!

أبيات علها ترقى إى ذائقتكم

ياليل حل اليأس بالقلب وإنزال=حلمٍ(ن)سكن بالقلب ما كان ينساه
رحل بعد طول المعاناة ما إنطال=ياليتنا ياليل ما كان عشـناه
ياما زرعنا من هواجيس وآمال=واللي زرعنا بالزمن ما حصدناه
كذا حياة الخلق نازل ورحال=حبل الأمل يا وقت غصبٍ(ن)طويناه
من يوم ظل الحظ صوب الجفا مال=حلو العمر بالخلف رحنا وتركناه
ما بيننا وبينه مسافات وأميال=دربٍ(ن)مشينا به تعبنا بممشاه
ما عاد باقي شيء يفعل وينقال=كل الكلام الشين والزين قلناه
ما باقي الا صمت مهما الزمن طال=اللي كتبه الله علينا خذيناه
نزف القلوب من الهوى ضرت الحال=واللي نبيه من الهوى ما لقيناه
ما نلت غير الهم مع ضيقة البال=ضاع الأمل والحلم غير نواياه
عقب بقلبي جرح والصد غربال=بالذات كانه بالعمر ما هقيناه
أنا أشهد إنه حمل ماهو بينشال=القلب لو شاله من الثقل وطاه
جوف الحشا سوى من القهر زلزال=هدم لكل اللي شقينا وبنيناه
ياليل مشكايه على رافع خيال=يرسله للمحتاج يسقيه من ماه
قادر يرد اللي له القلب ميال=ينهي مواجيعه وطول المعاناه
يا رب يا عالم بسري والأحوال=يا مطلع للقلب عالم بمشكاه
لا تزيدني يارب ضيقة و ولوال=قرب لي اللي من سنين أتمناه
أعوام في رجواه وأتوق لوصال=يبري لقلبي من وجع فيه لاقاه
وإن كان ما عود ولا دز مرسال=عزاه يا قلبي من الوجد عزاه
الله يعينه فوق حمله والأهوال=اللي يعانيها من أدناه لأقصاه
أبكي على قلبي من حمولٍ(ن)ثقال=أخذ من هموم الهوى هم كفاه
ينزف غرام وشوق والشوق لا زال=لو الرجا مقطوع باللي ترجاه
الخاتمة ياليل يا مشقي البال=الله يبيح الولف في شيء سواه
ملك معاليقي من الجال للجال=أخذ المشاعر والغلا لا عدمناه
وأنا خذيت أحلام ما شفت لأفعال=واللية أحلامي بحاجة مداواه
ياليل حل اليأس بالقلب وإنزال=حلمٍ(ن)سكن بالقلب ما كان ينساه

صح لسانك أستاذي لا عدمناك

لك التحية والتقدير

اقتباس : المشاركة الأصلية كتبت بواسطة عبير الشوق [ مشاهدة المشاركة ]

صح لسانك أستاذي لا عدمناك لك التحية والتقدير

صح كلك ايها الراقية

جملتي القصيدة بمرورك الكريم

تقديري

صح لسانك وكل كيانك استاذ الشعر الراقي

قصيدة ممتازة


صح لسانك وسلم بنانك

صح لسانك مدد ماهو عدد


تقبل التحية

صح لسان استاذ الشعر خالص الود

صح لسانك مليون ولا يكفون


تقبل التحية

صح لسانك ابدااااع لله درك احترامي

صح لسانك ولا هنت ابداااااع

ربي يسعدك شاعرنا