أبيات لعلها تروق لكم
سارية فكري تسرتني وأنا ماني بعارف=
هو غلا وإلا دلع وإلا هواية تهتويها=
سمعتني صوتها اللي كنه أنغام المعازف=
وأحرمتني من تقاسيم اللحون اللي أبيها=
ليتها ماكان خلتني بشوق ٍ حيل جارف=
ليتها بلت كبود أحلامي اللي ترتجيها=
ليتها غنت لحون العشق يوم الشوق طارف=
كان ما بكت مشاعر بالليالي تحتريها=
من سنين أحلامنا وأمالنا مثل الطوارف=
إن بكينا وإن ضحكنا حظنا يبكي عليها=
ابتدينا بالرجاء واليوم صار الحلق ناشف=
من صراخ احلامنا اللي سعدها مايشتهيها=
وانتهينا مثل ما كنا قبل جود المعارف=
كل واحد في طريق ولهفته فيها مافيها=
العمر والحلم أشوفه صوب تدميره مشارف=
يانهايات الهنا ليش البخت ما يحتويها=
ياقصيدي لا تعور قلبي اللي صار خارف=
الظروف اللي تبلتني عسى الله يبتليها=
ليت حظي مع ظروفي مثل شيكات المصارف=
قابلة للدفع فورا دون شبهة تعتريها=
سارية فكري تسرتني وأنا ماني بعارف=
هو غلا وإلا دلع وإلا هواية تهتويها=
التميز
الإهداءات
أنغام المعازف !!!
رد: أنغام المعازف !!!
