مسكم/ صباحكم خير وسعادة
اليكم الأبيات بدون مقدمات
عسى الشمال اللي ربا الريم يسقا=من وابلٍ(ن)ريض مسري ومسراح
يسقي ربوع الدار غربٍ(ن)وشرقا=ياخذ ثلاث أيام والوبل نضاح
تستاهلين الخير يا دار ورقا=غنت على غصن الهواوي بالأفراح
زادت فؤادي في صبابته عشقا=وأنا أدريٍ(ن)الحب والعشق ذباح
لكن هواها فالق القلب فلقا=وش حيلتي لن كان قلبي لها طاح
مالي سواها يبري جروح عمقا=حنا بشر والله عليمٍ(ن)بالأرواح
تعانقت أرواحنا قبل نلقا=سرٍ(ن)جمعنا والهوى جوفنا صاح
صاحت مشاعرنا من الشوق حرقا=وصحنا من الأشواق والود فضاح
يالجادل اللي هز زيزوم برقا=تعال قاسمني مخاسير وأرباح
لا تستني بالخوف ماشيء سرقا=على النقا في شرقة النور وضاح
إشرب هنا بنبل لحلوق شرقا=يبست عطش والعد ماهو بنشاح
تعال والا جيت ماشيء فرقا=خل الليال المظلمة شرقة أصباح
بعد جمعنا ربنا فوق نرقا=المجد ما ناله مولع بمسداح
غنيت لك من صافي الشعر طرقا=كل المعاني فيه جزلات وصحاح
عسى الشمال اللي ربا الريم يسقا=من وابلٍ(ن)ريض مسري ومسراح
التميز
الإهداءات
عسى الشمال اللي ربا الريم يسقا !!!
