السلام عليكم ورحمة الله وبركاته
أسعد الله أوقاتكم بكل خير
واليكم الأبيات علها تروق لكم
ودي أسهر معك في ليل الهنا=بس أنا وإياك وأشواق القلوب
ماش شيء(ن)يشغلك غيري أنا=همنا لحظة لقانا يا محبوب
تشتكي لي من همومك والمنا=وأشتكي لك من جروحي والذنوب
أجمل الأيام في ظني هنا=في دفا الأحضان وأنفاسك هبوب
بشوفتك قلبي وروحي تسكنا=ولهفة الأشواق بأحضانك تذوب
حولنا عطرك ونورك هو سنا=ينور الأعماق ويطفي شبوب
للغرام اللي جرى في دمنا=والمشاعر حاطته من كل صوب
نار حب(ن)في ضلوعي إنبنا=لو تقل لي توب عنك مابتوب
يمكن إني في غرامك أرعنا=كان هذا عيب يا حلو العيوب
منتهى الأمال وأقصى حلمنا=نلتقي لو الزمن بعد مغصوب
ليلة وإياك تسوى عمرنا=ليا حضنا ليلنا بعد الغروب
الحياة تمر والعمر لفنا=كل دقت قلب بالعمر محسوب
ودي أسهر معك في ليل الهنا=وأترك السهرة لدقات القلوب
التميز
الإهداءات
ودي أسهر معك !!!!
