جامعة حُسن وإحساس !!!

أسعدكم الله


أخر الليل تزين الطواريق

اليكم الأبيات علها تروق لكم

الله عليها جامعة حُسن وإحساس=من مدعس الأقدام لين الجدايل
حلا بلون وعود وأطياب وأنفاس=أدب و ذوق ومنسبٍ(ن)من حمايل
شيمة وقيمة حالية عذبة أوناس=ما هي كما اللي زينها بالتحايل
فيها شموخ وعز مرفوعة الراس=العز فيها ما يحاوج دلايل
ما طبت لسوق الردية والأدناس=حرة عزيزة من بنات القبايل
بين الجواهر كنها نادر المأس=وبين الصبايا نادة بالفصايل
الزين فيها غير عن باقي الناس=جمالها سوى بقلبي هوايل
حرة تعشقها من الطير قرناس=وأنا مولع بالأصل والأصايل
غرامها بالروح نارٍ(ن)ومقباس=ماله بقلبي بالليالي بدايل
غرامنا ماله حدودٍ(ن)ومقياس=ماهو غرامٍ(ن)نمقته الرسايل
ولا هو غرام دروب بالرجل ينداس=وإلا سوالف لأجل قيلٍ(ن)وقايل
إلا هواها جمر بالقلب قباس=والشوق يقدح في زنود الفتايل
ما كني إلا بن يقلاه حماس=سخرت من شأنه جميع الوسايل
ليل ونهار الفكر بالحب محتاس=أنظم على شأنه جميل المثايل
لا باس يا قلبي من الوجد لا بأس=صبرك على جمر الهوى والغلايل
لأجل الغلا متاعب العمر تنباس=ما للجميلة غير جزل الجمايل
الله عليها جامعة حُسن وإحساس=من مدعس الأقدام لين الجدايل

مصافحة ملكية


طاب لي أكون أول من يصافح هذه الجميلة

صح لسانك وكل كيانك

طبت وطابت حروفك الألقة تروي بساتين الشعر

استاذي / لمتصفحك أرق التحايا ولك التقدير

صح السااااانك يابن هليل ويعطيك العاااافيه

احترااااااااااااامي

يعطيك الف عافية وصح لسانك شاعرنا المبدع

صح نبضك ومنطوقك احسنت فيما نظمت لله درك

صح لساااانك واعتلا شانك


ابداع معهود الله يعطيك الف عافية

صح لسانك مليون ولا يسدون قصيدة اكثر من رائعة

مبدع لله درك



راقت لي

صح لسان

رائعة من روائعك صح لسااااااااااااااانك