يانـور عيني ليه اليوم تعميـني = مـاتـدري ان الجفا للعين يعـميها
ياروح قلبي وعمري يـانظر عيني = شـوف العيون الشقيه وش حـصل فيها
بعدك وصدك عيوني حيل كاويـنـي = كـويتني لـيـه روح القلب تكـويها
انـت الـذي شوفته يازين تحـيني = ماغيرك احد(ن)لـروح القلب يحييها
انت الذي بصبعه يـامـر وينهيني = انت الذي برمش عينه الروح ينهيها
ماني بناسي ودادك ليه نـاسـيني = انـت الـذي صحبته مـانـي بناسيها
ياما على شانك الخفـاق مشقيني = وياما على شانـك العـيـن مشقيها
تفداك روحي وعيني وبـاقي سنيني = ياللي على شـانـك الاقـدام محفيها
إن كان فعلاً ياروح القلب تغليني = فـرقاك يـاروح روحــي لا تطـريها
تعال شفني وش اللي صاير(ن)فيني = الروح مـاغـيـرك من الناس يشفيها
انت الـذي ياهوا بالي تداويني = الـروح بـعـدك عليله مـن يداويها
يـاروح قـلـبـي دخيلك لا تخليني = الـروح تـسـلـى ليا منك تنـاديها
إن كان ماجـيـتنـي وشافتك عيني = أنا أشـهـد إن المحبه مات راعيها
التميز
الإهداءات
ياروح قلبي وعمري يانظر عيني
رد: ياروح قلبي ياعمري يانظر عيني
