هدير الشوق في جوفي .. يداعبني على غفلة !
.................... يجي طيفه كذا فجأة ! .. ويرسم بسمة شفاتي !
هنياله .. وانا قلبي غنج به .. مثلما طفله
..................... ترانيمي : ( سوالف غيم ) .. أغــازل به خيالاتي
احب ارسم قلوب الحب .. مشاعر شوق محتفله
...................... وأجنن قلبه الغافـــي .. مدامه في .. مداراتي !
أنا طبعي إذا حبيت ، أحب اجنوني وأعزف له
......................... نـزاريات مغرومة .. تناغي .. نشوة آهاتــي
صباحي : بحّته فيروز .. أجي للورد واقطف له
........................ واقطف ( زهرة اللوتس ) .. وأخبيها بخصلاتي
أجي أركض كذا بلهفة ، أدور حضنه أعرف له
........................ بقدم زهرة شعوري .. بها من عطر .. شعراتي
وفستاني دلع وردي .. ( ادور ادور ) واغرف له
....................... جنوني .. لذة احساسي .. براءتها بـ ضحكاتي
شقاوة بنت شيطونة .. أجي حضنه على غفلة !
..................... أداعب شعـري بـخده .. أبي أهمس .. حكاياتي !
اوشوش له : انا احبك ، انا احبك .. وأحلف له
....................... ويتلون خجل أحمر .. ويفضحني .. بوجناتي
وأحمر شفتي يرسم .. مشاعر حب توصف له
...................... قلب أحمر .. معه حرفين ( أحبك يابعد ذاتي )
هنياله .. مدامه حب .. انثى قلبها : ( طفلة )
...................... أحب الحلم وأغرق به .. وأطيّر له .. فراشاتي
.
انتقيتها من مفضلتي
التميز
الإهداءات
سوالف غيم
