أسعد الله أوقاتكم
السهر حصان الفكر يجمح فيه الخيال لمسافات
قد يصعب الوصول اليها عبر الوسائل الأخرى
الليل والشعر نديمان للشاعر
اليكم الأبيات
البارق اللي في سما ليلتي لاح=كسر ظلام الليل برق الحلومي
شفته يقرب دلة الكيف وضاح=ما يسترنه ناعمات الهدومي
يا مزهب الدلة بعد ميها فاح=قرب لي الفنجال يا بن القرومي
صب وتقهو وبين الهرج بإفصاح=نبي نتعلل والسهر للنجومي
انا بكفي يا أريش العين مسباح=اومي بها لا شفت شرواك يومي
ودام الحطب بالنار يا صاحبي طاح=طير لنومك مثل ما طار نومي
غن القصيد النوم ما طول ارواح=النوم خله يالغضي للرخومي
وأنا ترى ما جئت سارق ومزاح=شقت القصيد وشاقني بالسلومي
نبي نتعلل لين يبدن الأصباح=في بحر عذبات القصائد نعومي
الشعر لقلوبٍ(ن)صعيبات مفتاح=يالج بها ويزيل كل الهمومي
هذا طريق معانق أرواح لأرواح=هات العلوم وهاك مني علومي
نبي نعيش الليل بالشعر سواح=ياعل ساعات المسامر تدومي
نقضي لباق العمر والعطر فواح=يصفي لنا جو السهر لا تقومي
الليل لا من زان ماهو بفضاح=يا تاج راسي جعل سترك يدومي
يالبارق اللي في سما ليلتي لاح=كسر ظلام الليل برق الحلومي
التميز
الإهداءات
البارق اللي في سما ليلتي لاح !!!
رد: البارق اللي في سما ليلتي لاح !!!
