أسعد الله أوقاتكم بالخير والمسرات
للتواصل
يا شينها غلطة من الناس عاقل=تفضحه بين الخلق وتذل حاله
حتى لو إنه كان فيها يجامل=غيره يفسرها سفاهه نذاله
ويبدأ يشيع العلم بين المحافل=ينقال شيء فيه ما قط قاله
والمشكله لن كان شيخ(ن)وفاضل=تفرح بطيحاته رخوم(ن)حثاله
يصير بعيون الشغاميم سافل=اللي من أول صعب لمسة عقاله
تغدي علومه بين ناقض وفاتل=كل ما تقادم علم جابوا بداله
ما عاد يعرف وين بالأمر ياصل=سيرته تدرج مثل درج المحاله
إن جا يعاتبهم على شيء حاصل=محد(ن)تسمع فيه والا صغى له
وإن جا يكذب علم والا يفاصل=أطرف سفيه من الرغامه حثا له
وإن جا يجادل ما يفيد المجادل=يضيع عمره ما تحقق مناله
يطيح حتى من عيون النواجل=اللي من أول يستنن بكماله
لو إنها غلطة من الناس خامل=هان الأمر محسوبةٍ(ن)من عماله
وختامها محد(ن)من الخلق كامل=الله وحده معتلي في جلاله
ما دامها غلطة من الناس عاقل=تفضحه بين الخلق وتذل حاله
التميز
الإهداءات
غلطة عاقل !!!!
رد: غلطة عاقل !!!!
