أسعد الله اوقاتكم بالخير ليلا ونهارا
واليكم ما جادت به القريحة عله يروق لكم
ياليتني يوم أتمنى لجيتك=تكون عندي قبل يرتد طرفي
يرتاح بالي وأتهنى بشوفتك=بعد ملكت الروح وأشعلت لهفي
متى تكحل ناظريه بوجنتك=يامن لها رمش النواظر يرفي
روحي وقلبي غارقه في محبتك=وصلك دواي وهجركم فيه حتفي
اهوى جنونك وأتباهى بطلتك=يا بدر عمري ياغرامي وشفي
يا مشعل الأشواق في روح لمتك=زيد الوقايد زيدها لا تطفي
أشعل غرامي يا غرامي ببسمتك=ترى حلاة الشوق لا زاد نزفي
أهواك وأعشق نار حبك وجنتك=يا ساحرة روحي وشعري وحرفي
هنا حياتي يا حياتي بدنيتك=نبع الهوى ما بيننا لا يجفي
إسقي مشاعر نبض قلبي بلهفتك=حلو المشاعر للمشاعر تشفي
وأخر علاجي ياهوى البال ضمتك=اليا تعانق كف شوقك بكفي
عمر الغرام يطول لا سلم صدتك=ويموت حسرة لا شعر بك مقفي
خذي بقايا العمر فدوة لحضرتك=وأنا أشهد إنه ياغلا ما يكفي
ما عندي أغلى منه يسوى لجيتك=هديتك لا طاح طرفك بطرفي
التميز
الإهداءات
هديتك لا طاح طرفك بطرفي !!!
رد: هديتك لا طاح طرفك بطرفي !!!
