يت ربي يرجع ما حصل بالخميس=ساعةٍ(ن)ذكرها في خاطري ما محا
جئت للموعد المرسوم مخزي بليس=قبل وقت الظهر بالضبط وقت الضحى
جاني اللي غلب حسنه محاسن لميس=من بعدها وقلبي يا بشر ما صحا
أخذ قلبي وعقلي مير حظي عكيس=دار بي للتباعد مثل دورة رحـا
أحسب إني كسبت ورحت مبعد فليس=والغضي راح عني منتحي في نحا
راح عني كما ليلى وأنا مثل قيس=الهوى كل عرقٍ(ن)بالحشا يلفحا
حسبي الله على الحظ الردي الخسيس=أخذ مني وليفي عنوةٍ(ن)ما إستحى
من بعدها وأنا قلبي سواة الحميس=فوق صاجٍ(ن)ودم القلب به ينضحا
أتقلب كما اللي ضاربينه بفيس=بالعناية سبوع مكسر مجرحا
محد يدري بحالي ما يجيني عسيس=أتوجد وأكن اللي جرى ما أفصحا
كن فرشي تحته النار تكنس كنيس=لا وربي كما اللي مفترش له سحا
كن قلبي موتر في عروقه كديس=زايدٍ(ن)ضغط دمي مستلج الوحا
أتمنى لكن البخت عيا يريس=كن بختي مكون من مقالب جحا
ليت ربي يرجع ما حصل بالخميس=ساعةٍ(ن)ذكرها في خاطري ما محا
التميز
الإهداءات
ليلى و قيس !!!
رد: ليلى و قيس !!!
