أسعد الله أوقاتكم بكل خير
اليكم ما خطر بالبال عله يروق لكم
الأبيات
قلبي اليا مني توجهت يمـك=يسابق الأحلام ياكل الأحـلام
وده يضمك قبل عيني تضمـك=يا ساكنٍ(ن)بالقلب من عدة أعوام
أبعثرك في كل ذاتــــي والمـك=أتنفسك نسناس ياعذب الأنسام
مشاعري في كل لحظة تشـمك=يا مصدر الإحساس يانبع الالهـام
أعذب كلام أسمعه منطوق فمــك=يطرب خفايا الروح معزوف الأنغام
ومرت سنة شايل على البعد همك=أعد للأيام يا فخر الأيام
أشرب عطش والعذب صافي بجمك=كتبت فيك الشعر وأنشفت الأقلام
أخاف من طاري يسب لغمك=والا أنا حالي مشابه للأيتام
مشغول لا فكرة تعكر لدمك=وإلا تلاعب بك هواجيس الأوهام
ومشغول حتى من مقابلك عمك=وإعجابك بخالك وفخرك بالأعمام
ومشغول حتى من سوالفك لأمك=اللي عليها حثنا دين الإسلام
ومشغول حتى من تفاصيل حلمك=ومخدةٍ(ن)تحضنك لا جيت بتنام
وياليتني لا من توجهت يمـك=أسابق الأحلام يانبض الأحـلام
التميز
الإهداءات
أسابق الأحلام يانبض الأحـلام !!!
رد: أسابق الأحلام يانبض الأحـلام !!!
