وخز الإبر !!!

أسعدكم الله في كل مكان وزمان

الحياة متغيرة لا تبقى على حال

ومتغيراتها تشمل جوانب متعددة

الطبيعة تتغير والأوضاع الاجتماعية تتغير

السياسة تتغير الأسعار تتغير ... بالمختصر كل ما عدا الله يتغير

هذه الأبيات بمثابة وخز الإبر بالجسد ولكل وخزة مكان متلف

وهدف مختلف

علها تروق لكم

ياعين رمشك ليش زايد رفيف=قالت:تفكر بالزمان وخرابه
من كل حدب الناس جونا لفيف=من جوع وإلا من غرام وصبابه
بعض البشر نفسه مداها قصيف=ايضيق صدره من رحابة ثيابه
يمشي ويبصر مير عقله كفيف=اثر العماية بالخلائق تشابه
ممشاه من خوفه بجنب الرصيف=يخاف من ظله مسوي رقابه
خائف يقال فلان بالدرب شيف=ايلف وجهه عن غريب وقرابه
وأنا أشهد إن الناس فيهم ضعيف=وفيهم رجالٍ(ن)يشبهون الذيابه
وعقب الربيع يحل فصل الخريف=فصول تكسر بالنفوس الرتابه
واللي سكن جده جهل بالقطيف=شطين لكن بالمواني غرابه
ساحل تهامه ما صلح للمصيف=والطائف المانوس همجِ(ن)شرابه
ما عاد باقي بالمشارب نظيف=كل موردٍ(ن)بالأرض كاثر ذبابه
خير الوطن منهوب صابه نزيف=نزفٍ(ن)شديد ولا حسبنا حسابه
ما عاد نعرف متهم من شريف=ظني غدينا كلبونا عصابه
نذبح بعضنا عند لقمة رغيف=وقتٍ(ن)تغير والعقل ما هقا به
وخز الابر بالشامخ اللي منيف=نذير زلزالٍ(ن)يبعثر ترابه
واللي يمر ولا شعر بالمخيف=مريض عقل وصاب نفسه كآبه
قلته وأنا ماني لوقتي حليف=باب الطواري يا شعر فك بابه
قصيد شاعر في لحونه طريف=الشعر رمز وبعضنا ما درى به
كلام ساطي مثل حد الرهيف=مسنون من مقضبه لين الذبابه
يالله تلطف يالكريم اللطيف=كل ضلع مرقب فيه ذئبٍ(ن)عوى به
ياعين رفي وأكثر بالرفيف=دام الزمن ياعين زايد خرابه

فصيدة تحمل شجون عالمنا العربي

و تحمل الكثير من الحكمة

ابداع متواصل شاعرنا الكبير

تسلم الايادي

صح لسانك واعتلا شانك ابداع متجدد


لله درك

صح لسانك وسلم كيانك


قصيدة جزلة

صح لسانك قصيدة بالصميم الله يعطيك العافية

صح لسانك ملياااار


ابدع بيض الله وجهك

صح لسانك مدد ماهو عدد ابدعت لا هنت


طرح راقي

الله الله


صح لسانك للرضا ابداع متجدد

صح لسانك قصيدة جزلة يعطيك الف عافية

صح نبضك واحساسك يا شاعرنا الرائع