دخيل الخال في صدرك..دخيل اجمل صدر به خال!!

قصيده اعجبتني وحبيت انقلها لكم وللأمانة لا اعرف من هو شاعرها

طفح كيل القصيد اللي نزفتـه وابتـدا المـوال
وانا لازلت ادور لـك كـلامٍ يستـر اوراقـي
ادور فـي مجاهيـم القصايـد مايثيـر البـال
عساني لاوصفت اوصف حلاك وأكسر وثاقـي
انا لاشفت هالكحل بطرف عينـك ازيـد هبـال
وازيد من الجنون اكثر جنون وانثـر اشواقـي
دخيلك لا تناظرني ترى بعض العيـون خبـال
دخيلك لاتزيد الطين بله وانـت ف... اعماقـي
دخيل اجمل عيون اللي شقاوتهـا تهـد جبـال
دخيلـك لاتجننـي بهـا ثـم تنـوي فراقـي
دخيل احلى عيون اللي بها سحر وشموخ رجال
تخليني معاها ارحـل بعيـد وتوسـع افاقـي
دخيل اجمل جديلٍ طاح من عالي مثـل شـلال
على خصرٍ نحيلٍ فـوق صـدرٍ كمـل الباقـي
دخيلك والهوى لامن تحرك ثـم جديلـك مـال
يميل القد مع ميـل الجديـل ومعـه خفاقـي
دخيل اجمل حرير اسود سواده فاق اسود شـال
تخليني على صدرك انـام وأغمـض احداقـي
دخيل الجيد والعاتق دخيـل النحـر والسلسـال
دخيل الشفتين اللـي تضيـع هقـوة الهاقـي
دخيل الخال في صدرك دخيل اجمل صدر به خال
دخيل الضمتيـن ورجفـة الخفـاق وعناقـي
دخيل السلسبيل اللي بصدرك والعـرق لاسـال
تخليني وسطه اغرق أليـن اوصـل لترياقـي
وانا لاقلت بغرق بك ابغـرق ماعليهـا جـدال
ابغرق لين يذبحني ضمـاك ويتعـب الساقـي
دخيلك يوم انا جيتك وجيـت بشيطنـة اطفـال
تخليني على الفطره كـذا.. لاتنـوي اغراقـي
دخيلك لا طفح كيل القصايـد مانتهـى المـوال
تخلينـي ادور لـك كـلامٍ يفضـح اوراقــي

الله يعطيك العافيه على هذا

النقل الرائع والمميز

قصيده في قمة الابداع والتألق

صح لسان شاعرها

لك التحيه والتقدير

يعطيك الف عافية

قصيدة مميزة



صح لسان من قالها


وصح لسان من جابها

بصراحة قصيدة قمة الروعة والجمال



سلم ذوقك يا ذوق

الله الله الله

بصراحة من أجمل ما قرأت

لدرجة أني تمنيت أن تكون هذه القصيدة لي

يعطيك العافية على النقل المميز

وتستاهلين التميز

ولك جل تقديري واحترامي

اقتباس : المشاركة الأصلية كتبت بواسطة ابن عميش [ مشاهدة المشاركة ]

الله يعطيك العافيه على هذا النقل الرائع والمميز قصيده في قمة الابداع والتألق صح لسان شاعرها لك التحيه والتقدير

الأستاذ ابن عميش
الله يعافيك استاذي
سعدت بجمل حضورك وتشريفك صفحتي
لك مني كل الشكر والتقدير

اقتباس : المشاركة الأصلية كتبت بواسطة دليل القوافــل [ مشاهدة المشاركة ]

يعطيك الف عافية قصيدة مميزة صح لسان من قالها وصح لسان من جابها

دليل القوافل
صح بدنك اخي الكريم
سعدت بتواجدكم وتواصلكم الطيب
لك مني كل الشكر والتقدير

اقتباس : المشاركة الأصلية كتبت بواسطة عساف الأصائل [ مشاهدة المشاركة ]

بصراحة قصيدة قمة الروعة والجمال سلم ذوقك يا ذوق

عساف الأصائل

تسلم اخي الكريم

وتقديرك للجمال ينم عن ذوقك الرفيع
لحضورك الكريم كل الشكر والتقدير

اقتباس : المشاركة الأصلية كتبت بواسطة صانع الكلمة [ مشاهدة المشاركة ]

الله الله الله بصراحة من أجمل ما قرأت لدرجة أني تمنيت أن تكون هذه القصيدة لي يعطيك العافية على النقل المميز وتستاهلين التميز ولك جل تقديري واحترامي

صانع الكلمة

يعافيك يارب .. شاعرنا تميزت صفحتي بحضوركم الكريم
وما تكتبه من قصيد لا يقل أبدا عما نال إستحسانك
اشكر مرورك العذب
تحياتي بلاحدود

يا سلام عليك يا عبير الشوق


بصراحة اختيار راقي


كلك ذوق


قصيدة مميزة