الليلة الليلة من الشوق مرتج !!!

هذه الأبيات جات كيبوردية على عجل

أهديها لكم علها تحضى بإستحسانكم

الليلة الليلة من الشوق مرتج=القلب طاير والفكر معه طاير
شوقي لولفي ثج في داخلي ثج=سواة وبلٍ(ن)معه عصفٍ(ن)وماطر
السيل حادر خجني ياهلي خج=شطر فؤادي بالهوى حكم كافر
أسمع صدا الأهات بالأذن تلتج=والجرح ينزف كيف بكون صابر
الصبر مل وضاق من دنيتي هج=من هول ما سوى الهوى في هاجر
وأنا الذي أشكي من الود بالعج=كن الهوى غارز بقلبي خناجر
أعوي مثل سرحان وأرزم كما الخلج=أخاف من غدر الزمن حيل غادر
أعد لأيامي من الحج للحج=عله يجيني نلتقي بالمشاعر
أدوره مع كل قادم من الفج=مرت سنين طوال ماجا مسافر
اسج فكري في حرى غايتي سج=وأنظم على شانه قصيد بمشاعر
غلاه عندي فوق ما ياصف الهرج=مهما يطول غيابه أظل فاكر
لو الصدر مني من الشوق ينفج=والله ما بدل غرامه بأخر
سيد العذارى كلهن مالك الغنج=تفداه روحي كان غايب وحاضر
دامه غرامه بالحنايا ولج ولج=يهناه قلبي فيه ينهى ويامر
بسرج له حصان الوفا بالوفا سرج=وأركب على شأنه جميع المخاطر
الليلة الليلة من الشوق مرتج=القلب طاير والفكر معه طاير

اتشرف باول مصافحه لهذه

المنظومه الموسيقيه الرائعه

والمميزه ...صح لسانك وبيض الله

وجهك ...لك التحيه والتقدير

هلا أبو ماجد



صح بدنك سعدت بحضورك ومصافحتك لا عدمتك دائما سباق


وعساك ذخر

الله الله



صح لسانك يا مبدع القوافي



تقبل التقدير

صح منطوقك ابداع ليس بمستغرب منك

يا سلام يا سلام



صح لسانك مليون ولا يكفون

صح منطوقك لا هنت



سجل الاعجاب

ابيات في منتهى الروعه صح لسانك شاعرنا

صح لسانك



ليس بمستغرب منك الابداع بكل حالاتك

يعطيك الف عافية وصح لسانك




لك خالص التحية