كالعادة اليكم الأبيات بدون مقدمات
سميتها غريبة وسموها مثل ما تبون
غريبة صاحبي يشكر من الطيبة جميع الناس=وانا اللي دايمٍ(ن)جنبه ولكنه تجـاهلني
عطيته نبض قلبي والمشاعر وأعذب الأنفاس=نصفته من مشاعر روحي وفكري وزعلـني
غريبة كيف يرضى بالنحاس ويترك الألمـاس=أنا مأرضى بداله بس برحـــل كان بدلني
بدور لي فجاجٍ(ن)واسعة وأبعد عن الأوناس=ما عاد أبغي جواب ولا سؤال لحي يسألني
بصون الروح وأحفظ عزتي قدام لا تنـداس=وأسلي خاطري بالشعر مثلته ومثلـــني
بسطر في قصيدي للزمن ما لج بالهوجاس=من أفكارٍ(ن)عن الزلات بحملها وتحملني
بعاتب وقتي وروحي وأعاتب بالبشر أجناس=على الله يا قصيدي مثل ما ودي تجملني
دخيلك لن قربت من الخطر علق لي الأجراس=قبل لأقع بغلطة يا قصيدي ثم تفشلني
ترى جزل القصيد اللي يجنب موطن الأدناس=وشينه يا قصيدي كل طاروقٍ(ن)يذللني
يجي بالشعر مثل الكيف يقعد من صلف بالرس=دخيلك يا قصيدي فوق للقمة توصلني
تراني ما نظمتك من فكر واطي ولا منحاس=رفعتك فوق بالعليا ولأرضى لك تنزلني
التميز
الإهداءات
غــريبــــــــة !!!
رد: غــريبــــــــة !!!
