ساهر على ضفة النيل !!!

ياليل السعد ياليل ياليل ياليل=ياليتك تخبرني عن اللي مهاويه
ذكرته وأنا ساهر على ضفة النيل=وحسي وقلبي عند خلي مخليه
تركت الغلا في ديرة البن والهيل=ديار المعزة من سكنها بتحمJيه
هل الكيف وأهل الضيف والسيف والخيل=حماة الوطن واللي ربا في ضواحيه
عسى الله يديم الأمن في ظل حلحيل=ملكنا زعيم الحزم والعزم نفديه
أسافر وأنا ماني بشاكي غرابيل=عسى الله يعز الدار ويعز حاميه
ياليل الطرب ودي تجر المواويل=توسع لصدرٍ(ن)هاجس الشوق غازيه
ياليل السعد ليتك توصل مراسيل=تبلغ حبيب الروح ماني بناسيه
أنا مستحيل أنسى لسودٍ(ن)مظاليل=وبسمات من يشكي لعله تداويه
فديت العيون اللي بكحله مكاحيل=وفديت الشفاه وهمس معسول تحكيه
فديت أشقرٍ(ن)فوق المتن كنه السيل=تحدر على الأمتان بالمسك مرويه
فديت الأصابع كنهن الأخاليل=وفديت الجبين اللي كما البدر ضاويه
فديت الجواهر بالنحر والخلاخيل=زهاها بحسنه قبل ما هي بتزهيه
فديت الثمان اللي بثغره قناديل=غذاها بشهدٍ(ن)حالي الريق غاذيه
فديت الغلا كله بكل التفاصيل=أنا طول عمري عاشقه ميتٍ(ن)فيه
ليا غاب عني قلت يا ويل يا ويل=ولن غبت عن خلي غيابي يبكيه
هوانا رسخ بقلوبنا مثل كنثيل=جبل ما تهزه ريح لو كان توذيه
أسافر وأعود والمشاعر محاميل=تبي صاحبي تأخذ لشوقه وتعطيه
يا حلو السوالف والسهر والتعاليل=مع اللي يريح خاطري عند ما جيه
ويا شين البعايد عنك يا درة الجيل=يضيق لصدري يا عسى الله يخفيه
لكن الله يزين ليالي مقابيل=وأعود لمن عيني تريده وترجيه
ياليل السعد ياليل ياليل ياليل=ياليتك تخبرني عن اللي مهاويه

صح لساااانك ابداااااااع وفقك الله

يسلمو شاعرنا الذب ربي يسعد قلبك

صح لسانك ابدعت لا هنت

تقبل التحية

صح لسانك روعة شاعرنا العذب تسلم الايادي

صح لسانك استاذ الشعر العذب يعطيك العافية

صح لسانك ابداع لا يستغرب من شاعر مثلك


تقبل التحية

صح لسانك وبيض الله وجهك

تقبل اعجابي

لله دزك

صح لسااااانك ابداع استاذنا

الله عليك قصيدة تستحق الاشادة
صح لساااانك