أسعدكم الله
أهديكم هذه الأبيات المتواضعة علها تروق لكم
سولفي لي سولفي ياغرامي سولفي=السوالف من شفاتك شهد من سكر نبات
لا سمعتك كل حرقة شوق فيني تنطفي=أشعر بطعم الهنا وأعرف لمعنى الحياة
المشاعر لا سمعتك كل روحي تحتفي=تحتفيي بك ياحلا نادرٍ(ن)بين البنات
كل هم وكل حزن وكل لوعة تختفي=وأنجمع لك قلب نابض بالمحبة في سكات
صوتك يعالج لجروحٍ(ن)من قديمٍ(ن)ينزفي=ياسواليف المحبة جمعيني من الشتات
لا حكيتي ياحلاتك تسحريني وأحرفي=تنبهر ويضيع حكيٍ(ن)في مشاعر مقبلات
رائعة يا رائعة كل كلمة بالشفي=من عذوبتها يتيه الفكر من حكي الشفات
يافراشات الهنا فوق روحي رفرفي=دام روحي ترتوي من سوالف مرويات
العذوبة والحلا في كلام المترفي=لا سمعته كل جرح يطيب وأنسى للمات
أنصفيني ياهوى من غرامك إنصفي=عوضيني بالهنا عن ليالي مقفيات
كافي اللي فاتنا عارفٍ(ن)ما يعَرفي=ما أتحمل مقبل العمر يلحق عمر فات
الليالْ تمر مر السحاب المقتفي=كان فات العمر وش فيدنا بالذكريات
العمر مرة ليا ضاع حسفك وحسفي=ما تعوضنا عن أيام منا ضائعات
سولفي لي سولفي صادقة لا تحلفي=فاتنا ما فاتنا والعوض بالمقبلات
سولفي لي سولفي ياغرامي سولفي=السوالف من شفاتك شهد من سكر نبات
التميز
الإهداءات
السوالف من شفاتك شهد من سكر نبات !!!
رد: السوالف من شفاتك مثل سكر نبات !!!
