أسعد الله أوقاتكم بالخير والمسات
واليكم هذه الأبيات
قفيت عنها غصب ماهو بطوعي=بكت زعل وأنا بعد صرت باكي
أصد عنها لا تشاهد دموعي=ساعة تفرقنا وبان إرتباكي
أظهر لها صبري واخبي جزوعي=فكري وقلبي دايم(ن)في عراكي
في خاطري من كل نوعٍ(ن)ونوعي=أحزان وأفراحٍ(ن)بسبة هواكي
كن الخناجر غرزن في ضلوعي=أون واللوعات تدني هلاكي
حسيت لوعاته وهو حس لوعي=والزين من لوعات فرقاي شاكي
مدري متى بيكون يمه رجوعي=لو تطلب عيوني رضا قلت هاكي
مقدر على فرقاه وأبغا ربوعي=تشربكت أحوالنا بالشراكي
ياللي طبوعه ما تخالف طبوعي=أمنتك الرحمن ربي رعاكي
حان الرحيل وعهد ماني قطوعي=بمر الكريم أعود لك يا ملاكي
قفت وأنا قفيت ماهو بطوعي=تبكي وأنا من لوعة الوجد باكي
التميز
الإهداءات
تبكي وأنا من لوعة الوجد باكي !!!
رد: تبكي وأنا من لوعة الوجد باكي !!!
