صادفتها صدفه .(قصيده مؤثرة ).
________________________________________
قال هذا القصيده بعد ماشاف زوجته للي فارقهاا
وانا ماعندي خلفيه عن القصه كامله ....واللي عنده معلوومه لايبخل علينااااا بهاااا ....هذا والله واعلم..
اتركم مع القصيده ...........
صادفتها صدفه بمستوصـف القمـة = بالعين راعيتهـا لحظـة وترعانـي
شميت أنا عطرها ويا بخت من شمه= يدوخ ويسكرو لـو ماهـو بشربانـي
قمـت أتذكـر زمـان فـات واللمـه=لا عـاده الله نصيـب يـوم ودانـي
هلت دموع العيـون ولا بقـى همـه=مما جرى لي نسيـت آلام الأسنانـي
معها أخوها رفـع كفـه علـى فمـه=كنه يقـول الله الستـار يـا قانـي
نفس الملامح ويشبـه دمهـا دمـه=سبحان رب خلقهم دعـج الأعيانـي
يدري بحبي وتـدري أمـه وعمـه=حال القدر بيننـا والحـب سلطانـي
يبكي ويمسح دمـوع عيونـه بكمـه=يبكي على شانها ويبكي على شانـي
والله يا لـولا الحيـا والديـن لضمـه=واسمعه شهقة مـن قلـب شفقانـي
والحب بلوى ومـن النـاس مهتمـه=وش حيلتي و الغضي دمي وشرياني
جسمي يروح ويجي والقلب من يمـه=القلب عنده يبيـه و لا يبـي ثانـي
اقسم بربي وأنا لـي مذهـب وذمـه=لعيش أحبه ولو حبـه علـي جانـي
شربت كاس الهوى وارويت من سمه=ما مت وارتحت ولا هو باللي أحياني
أضحك مع الناس والاحزان من ضمه=كني سعيد وانـا مبلـي بالاحزانـي
عندي وصية وتال الهرج يـا يمـه=هالموت حق على القاصي مع الدانـي
وان صرت فوق النعش والناس ملتمه=مروا على بيتها وتشـوف جثمانـي
قولوا لها الموت زم صويحبك زمـه=ما مات حبه ولو هو بالنعـش فانـي
شلنـاه للمقبـره وادعيلـه الجـنـه=خوذي ثوابه وجودي له بالاحسانـي
يالله يالقادر ياكاشف الغمه=تفرج لمن حالته دوم في نقصاني
منقول لم أتمكن من معرفة الشاعر
القصيدة موجودة صوتيا بقسم القصائد الصوتية
التميز
الإهداءات
صدفه بمستوصـف القمـة
