الشيخ مطلوب للتحقيق

نبا الشاعر اللي هب فوقه هبوب النود= وذعذع هواه وشد قلب الهواويه
ولا ماذكرت النا من ايات ذاك الرود= علامك تخليها كما طاق طاقيه

حياك الله يا ابا وسام

من طول الغيبات جاب الغنائم

علامك تخالف للقوانين يا مقرود=وربك يحب الستر يا مدور السية
أنا صاحبي يدري عن القصد والمقصود=وغيره من العربان روحة بلا جية

الله يحيي نباك ياابا حازم ومن جا ماابطا

انا اعرف قوانين العرب زين ياالنمرود= ولكن راع الغي ماجاز عن غيه
انا ادري ولكن فيه ناقد وبه منقود= ورب السما يعلم خفاياك والنيه

الله الله

صحت السنتكم يابو وسام ويابن هليل ومتابعين للابداااااااااع

سالم وغانم يالذئب

أنا أشوف بعيوني ولا قلت لك مردود=ودربي يا بو وسام تمشيه رجليه
يا راع المقمع لا تزود لها البارود=ترى من تقرب نارنا تأكله حية

ترى المشكله كبرى ليا قيل طاح العود= بعد كان راس البير حول مع الطيه
تراها ماهي مثل التي تاكل العبرود= ومن هو تعدى الحد ملزوم بيديه

ارحب يازميل المهنه بشرني عساك طيب ان شاء الله

الله الله

يا راع الذلول المشكله من عليه قيود=يروم الشكاله والكراعين ملوية
أنا ما عليه من وراعين دوم رقود=أدوس الأفاعي وأنت ملزوم بالفيه

جهلت الحديث اللي رواه الك ابن مسعود= ورى ماحفظته زين ياطافي الظيه
سهرت وتعبت وخاتمتها قليل الفود= على كل شارع ماسك الخط دوريه

ابو حازم الليل سرى واللعب معك له طعم مميز والمعذره ياشيخنا الفاضل والمقبلات احلى واحلى ان شاء الله تصبح على خير انت ومن شاركنا فالمتصفح