تذكرت حيً نازحٍ ما طراه يعود !!!

أسعد الله أوقاتكم بكل خير
الأبيات علها تروق لكم

الا ياكريم الوجه يالله يا معبود=تفرج همومٍ(ن)داخل القلب ما تخفاك
من أسبابها ما نمت والعالمين رقود=ولا لي معين أنت مالي معين سواك
تذكرت حيٍ(ن)نازحٍ(ن)ماطراه يعود=أنا مشتقي به والهواجيس ما تغواك
بغيته وأريده مير حظي معه مقرود=نهب عقلي وقفا وصاب الشعور إرباك
أسامر طيوفه والأصل غاية المقصود=غيابه مكدر خاطري والظنون أشواك
أساهر نجوم الليل وأنشد هبوب النود=أدوره بالأقمار وأنشد لها ما جاك؟
غريبة غيابه ما توقعت منه صدود=بعد قال لي من قلب صادق غلاي أهواك
سنينٍ(ن)طوال الود ما بيننا ممدود=فديته بكلي حين ما قال لي:نفداك
مصيبة يشح بوصل من عقب طيب وجود=ياليته قبل هذا الهجر قال لي:بنساك
ما كان إشتكيت وصرت يابس سواة العود=براني صدوده لين شابهت للمسواك
رجاوي يعوًد ولفي الغالي المفقود=ياقلب الشقا لن عاد لك بالرجوع دواك
عسى الله يرده عجل ماهو بعد ببعود=يا قلبي بعون الله تغلب على بلواك
يجيب لك غائب ماعلى ربنا مجهود=ليا راد لك ترتاح يا خافقي أعطاك
تجود بحبل الله ترى ربك المحمود=غناوي كريمٍ(ن)يعلم بحالك ومشكاك
الا ياكريم الوجه يالله يا معبود=تفرج همومٍ(ن)داخل القلب ما تخفاك

صح لسانك مدد ماهو عدد



ابدعت لله درك

صح لسانك ملياااااااااااااااار


ابداع من شاعر متمكن

صح لسانك للرضا ابدعت لا هنت



تقبل التحية

صح لسانك مليون ولا يكفون



قصيدة رائعة بروعة شاعريتك

صح لسانك وسلم بنانك احسنت لا هنت


تقبل الاعجاب والتحاياااااااااا

صح لسانك يا شاعرنا الراقي ربي ما يحرمنا من ابداعك

صح الله لسانك رائعة من الروائع الله يوفقك

تسلم الايادي يا سيد القوافي روووووعة

صح لسانك واعتلا شانك بدعت كعادتك


تقبل التحاياااا