مزيج من عتاب وندم
أطرحها بهذه الأبيات
علها تروق لأصحاب الذوق
خليك في روحتك وأنا بروحتي=بعد تفرقنا صعيب التراجع
أنا لقيت النفس في كهف خلوتي=ما فيه داعي تقلبين المواجع
ياللي حسبتك طب وأصبحت علتي=ماني بلاقي عندكم طب ناجع
ملتك بالأحلام ماهي بملتي=أخير من شين الوصال نتقاطع
كوكبك خارج عن تجاذب مجرتي=طفيت نوره بعد ما كان لامع
ماعاد أنا خلك ولا أنتي بخلتي=إنسي زمان(ن)بيننا كان ضايع
ياكبر زلاتك وياهون زلتي=في هذي الميزة بقول لك رايع
دونت بالنوتات حتى تملتي=قد أيش بكتب بالصحايف وقايع
إن كان لي غلطة ترى كل غلطتي=إني شريتك وأنت للشوق بايع
ماني على شأنك مجازف بذمتي=دائم وأنا متبوع ماني بتابع
لو كان قصدك بس تبغا مذلتي=والله محني الراس وأجيك راكع
الله مكرمني بعقلي وحكمتي=ماني لغير الله في يوم خاضع
خلاص أنا رميتكم جوف سلتي=مع تالف الأشيا ونفل البضايع
النفس تأبا لا تناديك حلوتي=لو قلتها بكون مثلك مخادع
حان الرحيل ولا تحلم برجعتي=منته محصل من وراها منافع
ماني بناشر صورتك في مجلتي=ولا فيه داعي بالفراق نتوادع
حتى ولو عينك من الدمع هلتي=ماني على ما صار نادم وجازع
بردم بطمي الوهم والصبر بركتي=ليا جفت البركة تموت الضفادع
خلك تموت من الندامة بحسرتي=جرب مثل غيرك هموم ومدامع
بحرمك من شوفي مدى العمر طلتي=هذا قراري صعب عنه التراجع
أخر كلامي إسمعه قبل رحلتي=قال المثل:مايستون الأصابع
التميز
الإهداءات
حــان الرحيــل !!!
رد: حــان الرحيــل !!!
