الوليف اللي سكن خلف الحنايا !!!

الأبيات

علها تروق لكم

الوليف اللي سكن خلف الحنايا=كل ما به حلو من شكل ولفايف
عذب صوته جامعٍ(ن)حلو السجايا=لون بدر وريحته من ورد طايف
راقيٍ(ن)فكره تقي طيب نوايا=هو مناة الروح من بد الولايف
المشاعر جات له مني هدايا=والقصائد فيه عذبات الوصايف
يا هنيك يا عيونه والمرايا=تشوف حسنٍ(ن)ساتره ماني بشايف
لو بعيني شفت كله يا هنايا=كان ما كثرت من ليت وحسايف
مير بعضه عقب بكل سوايا=ارتجف له شوق مرحوم الطوايف
اتمنى ما تحقق لي منايا= بين ليت وبين عل الحال هايف
تمضي الأيام ويطول عنايا=والله إني من قساة الوقت خايف
كل يوم يمر يترك بي رزايا=يترك الونات من خلف النحايف
الظروف تكيدني وأشقا شقايا=كان مضنوني من الأحوال عايف
طامةٍ(ن)كبرى تحطم لي هوايا=كان عمري راح وعلومي خفايف
يا ظنون السوء حيلي عن سمايا=لا تزيدي من همومي بالسخايف
جنبيني لا تبيحي لي خفايا=ما عشقت إلا شريفٍ(ن)من شرايف
ذا حبيبي هو هنا عمري دوايا=والله إني ما أتركه عذب الرهايف
هو غرامي هو مرامي هو روايا=كل ذاته عشق روحي كيف كايف
الوليف اللي سكن خلف الحنايا=كل ما به حلو من شكل ولفايف

صح لسانك واعتلا شانك ابدعت لا هنت


تقبل التحية

صح لسانك مدد ماهو عدد



تقبل التحية

صح لسانك روووعة تسلم الايادي شاعرنا

صح لسانك وبيض الله وجهك


تقبل التحاياااااااااااااااااا

رائعة من روائعك صح لسااانك

صح نبضك شاعرنا رووووووعة يعطيك العافية

صح لسانك شاعر الابداع ربي يسعدك يارب

صح لسانك وكل كيانا استاذنا المبدع ربي يحفظك

صح لسانك واعتلا شانك ابداااع