هذا اللي خلاهم يعطوني باند

سلام عليكم

يالقويه جيت يـا شيـن الفـراق=كن في قلبي من الفرقـا لهيـب
الغلا والحب محرقنـي إحـراق=والذيابة وسط جوفي لـه قنيـب
لا ذكرتك يعتلـي فينـي شهـاق=واتبلع عبرتي واعطـي وجيـب
من قصيد الحب طاقٍ فوق طاق=والله إني من كثر حبك عطيـب
والله إنك شمس في وقت الشراق=يا زهور الشمس في وقت المغيب

مدري ولكن دوك هـذي هديـه=لاصار لاحطيت عنهـا تشيلـون
والله سواتـك بالقصيـدة قويـة=إليا عقدت القاف جيتوا تحلـون
قبلك مديرك حـط فيهـا قضيـة=لنتـا مخلينـي ولاهـم يخلـون
الناس كـلٍ يلتقـي مـع خويـة=وانا خويـي لاطرالـي يغنـون
قلبي وكبـدي والمعانـي سويـة=تدري ترى الخلان غصبٍ يفلون
تحت القمر كل العلـوم الخفيـة=خصٍ ليا صارو عن الغير يخفون
وانا قوي وكـل روحـي قويـه=وأبي القويه لو حياتـي تشيلـون

صحّ لسانك أخوي الاصهب
وافية ومن راس وافي
تقبل مني كل الود
وفآئق الاحترام

ابو ناصر ياهلا والله صح بدنك يالامير

صح الله لسااااااااااانك على القصيدتين

لكن المقدمه مالها لازم ومن يفعل مثل هذا الفعل ماله غير الباند

وأخذ البيتين التاليه ( تحذير لك )

يالاصهبي حذراك حذراك حذراك = نار القوافل تأكل أخضر ويابس
فيها ذيابه تلوي ذراع يمناك = ماهمها الغلطان ابو وجه عابس

تقبل أرق التحايا و أعذبها

اقتباس : المشاركة الأصلية كتبت بواسطة الــذيــب [ مشاهدة المشاركة ]

صح الله لسااااااااااانك على القصيدتين لكن المقدمه مالها لازم ومن يفعل مثل هذا الفعل ماله غير الباند وأخذ البيتين التاليه ( تحذير لك ) يالاصهبي حذراك حذراك حذراك = نار القوافل تأكل أخضر ويابس فيها ذيابه تلوي ذراع يمناك = ماهمها الغلطان ابو وجه عابس تقبل أرق التحايا و أعذبها

ياحيي يالذيب انت تقرا المقدمه او القصيده بس شكلك من حقين المقدمات ؟؟؟؟

الزبده خذ هالبتين وخلك ثقيل

العز في راسي وراسي تحداك=وان كان في كبدك من النار قابس
ياورع لا قافك ولا قاف شرواك=يثر على ياورع والراس كابس
والله يالو لا عزوتك لا توطاك=وان طعتني جنب ترى القاف حابس

صح السانك
قصيده عاطفيه ممتعه ومن احساس ومشاعر شاعر
ولاكن انت قلتها على المكشوف وذكرتها با الاسم
وهذا الشئ فيه احراج للعضوء وخاصه اذا كانت من النساء وكذالك للمسولين في المنتدى
ومن وجه نظري لايجوز هذا الشئ 0

كما اسمحلي ان اتطفل على احد ابيات في اياتك الاولا وهو البيت الثاني الذي تقول فيه

(الغلا والحب محرقنـي إحـراق=والذيابة وسط جوفي لـه قنيـب)الذيابه جمع وقنيب مفرد بمعنا ثاني جمعت اول الكلمه وافرت اخرها فلو قلت وهذا من وجهة نظري التي لاتقدم ولاتوخر واعلم بانك اقواء مني شعراً ولاكن مجرد وجهة نظر لاتفسد للود قضيه


(الغلا والحب محرقنـي إحـراق=ونبض قلبي مثل ذيباً لـه قنيـب)

اما البيات الثانيه فقد ابدعت فيها ومن قوة جزالتها تجبر القاري ان يعيدها اكثر من مره
راقت لي كثير متماسكه عذبه سلسه فيها من الصور الشعريه الشئ الكثير 0

تقبل مروري بكل صدر رحب ولك تحياتي وتقديري

اقتباس : المشاركة الأصلية كتبت بواسطة الاصهب [ مشاهدة المشاركة ]

ياحيي يالذيب انت تقرا المقدمه او القصيده بس شكلك من حقين المقدمات ؟؟؟؟ الزبده خذ هالبتين وخلك ثقيل العز في راسي وراسي تحداك=وان كان في كبدك من النار قابس ياورع لا قافك ولا قاف شرواك=يثر على ياورع والراس كابس والله يالو لا عزوتك لا توطاك=وان طعتني جنب ترى القاف حابس

نعم انا من حقين المقدمه وكون في مقدمة القوم أما انته من حقين المؤخره

واخذ البيتين وانتظر الباند ياحق الباند

الورع من يفعل فعولك و مبداك = بسالك بالله ويش انت لابس
تتبع هوا نفسك وتمد يسراك = وانته مثل زرعن مغطيه دابس
ابعد قبل لا قطع ايديك وشواك = وتصبح معصلك دون لحم وملابس

صح لسانك


الزبدة بالكلام الطيب


شكرا لك وتم حذف الغير مناسب


وارجو من الجميع الترفع عن الجدال الغير لائق


لكم التحية

صح لسانك


قصيدة طيبة

الله يعطيك الف عافية

الذيب اسف يالحبيب مارد على شي فيه كسر اذا عرفت تازن تعال العب مع الشعار

والباند متعود عليه تدري ليش على شان اللي مثلك واجد في المنتديات يابابا

والله يالو لا الورده اللي دعتني=والله لخلي القاف ميسم بعلباك

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ

اخوي جميل المطرفي ملاحظه جدا جميل اشكرك ياحيي

ابن هليل اسف يالامير والله ماودي اني بديت معك هالبدايه

نجم العرب صح بدنك ياكحيلان