لغز جديد

اشكر اخوي وجودك يكفي على النقل المميز واشكر الاخوان الذين اشادوا واتحفونا بردودهم وتفاعلهم


اليكم لغز طرحته في حدايه لي بادين بها على ربع لنا واليكم اللغز وهو في الشطر الثاني من الحدايه


والثانيه ويش الثلاث اللي يفكن النشب

متساويه بالاسم وايا العمر وايضا فالرتب

وان غاب منها وحده ضاعت جهودك بالتعب


ثنتين ماتنفعك فالميقاف وافطن يافطين

راع الصدق


صح لسانك حتى الالغاز ما أعتقتها

ترى ما لدي إهتمام بهذا اللون لكن بمشي على الطاروق

ياصاحبي وش ذا الثلاث اللي بها عجب العجب=
من دونها ما ظن يثبت للعرب جد ونسب=
الأصل فيها للشنب والا تجوز بلا شنب=
تفصيلها تلقاه يا رجال عند المسلمين=

تقبل خالص تحيتي

صح لسانك ياراع الصدق على الابيات واللغز الرائع


رمعة مبدئية
الطلاق ثلاث طلقات أو عدة المطلقة ثلاثة قروء تفصل بين الزوج وزوجته

وهذي احتياط ههههه
رمي الجمرات


الجمرات الثلاث

حيا الله شاعرنا الكبير ابن هليل واشكره على الابيات وكذلك اخوي الغالي وجودك يكفي واقول مالكم لوا وحظا اوفر

راع الصدق

صح السانك لغز جميل الحقيقة وجاري التفكير في اللغز

تقبل تحياااااااااااتي الخااااااااااصه

صقر عتيبة

صح بدنك اخوي الغالي صقر عتيبه وحياك الله انت ورمعاتك

راع الصدق يالغالي

عيون الاشاره الثلاث

مالك لوى وفي الاتجاه واصل اثابك الله

عندي رمعة مدري عنها ياراع الصدق

ركعات صلاة المغرب الثلاث

مالك لوي ياالغالي وابعدت عن اللغز سير فالاتجاه الاول