تمخطري يا قصيدة زان معنى القصيد !!!

تمخطري يا قصيدة زان معنى القصيد=ما عاد لك عذر في معنى ولا قافيه
غوصي بحور القوافي واطلعي بالجديد=خلي فؤادي يحس بريحة العافيه
من عقب عود عليًه من سكن بالوريد=شفا عروق المحبة والله الشافيه
اليوم عندي رجوعه بالسلامات عيد=يا مرحبا يا هلا يالدرة الصـافيه
إرقي بعرش الخفوق اللي بحبك سعيد=تنعمي في مشاعر صادقة دافيه
هذا مكانك بقلبي ما نزل فيه سيد=ينطر مجيك بشوق وللعهد وافيه
ما غيره يا غناتي في غيابك شديد=باقي على ما خبرتي والهوى مافيه
حكم خفوقٍ(ن)تولع فيك والحب قيد=واللي لقي من غرامك يا غلا كافيه
ما أريد غيرك ولا يرتاح قلبي لغيد=أنتِ(ي)وبس بحياتي نعمةٍ(ن)ضافيه
فيك الحسن والدلال وفيك ما هو بريد=يا جنة العشق يا بسمة عُمر لافيه
زيدي محبك محبة مطلبه بالمزيد=يا منبع العشق كله بين وخافيه
رصيد حبك بقلبي زودي به رصيد=وحساب حبك بقلبي سر ما إنشافيه
ما يعرفه غير ذاتك بعد رب العبيد=اللي عن الخلق عينه ماهي بغافيه
تمخطري يا قصيدة زان معنى القصيد=ما عاد لك عذر في معنى ولا قافيه

صح نبضك واحساسك شاعرنا العذب روعة ربي يسعدك

رائعة من روائعك صح لساااااااانك


تقبل التحية

الله الله


صح لسانك ابداع لا يستغرب ايها الراقي

صح لسانك قصيدة ممتازة كعادتك


تقبل اعجابي

يسلمو شاعرنا صح بوحك


خالص الود

صح لسانك ولا هنت شاعرنا الله يعطيك الف عافية


تقبل احترامي

مبدع استاذنا صح نبضك واللسان ربي يسعدك

صح لسانك مليون ولا يكفون


تقبل اعجابي والاحترام

صح لسااااااااااانك وطابت ايامك


موفق