عابد تفضل

السلام عليكم


وصلتني رساله خاصه من مشرفنا الغالي راع الصدق يطلب فيها قاف مع الشاعر عابد الثبيتي ونزولا عند رغبته سقت هذه البدعه

سلام ياال ثبيت تسليمه كما خنجر وسيف= يااهل البيوت اللي مبانيها جويدات بساس

عابد ليا جيناه صب النا من الفنجال كيف= يقطع ضرم ويطير اللي في محاجيره عماس

وعليكم السلام
حياك الله يامخلف الهقوات ومشكور على اجابه الدعوه

يامرحبا ترحبيه ماهي من الوزن الخفيف=جابتك هذي ياوسيع المعرفه فيها التماس

وان طعتني لاتلبس الاكل ملبوس نظيف= حيث الذهب مايخلطونه بالصفر ولا النحاس

صححت الالسن,,

كملو الابداع لاهنتم

دام البقا من يمنا ماجاكم العلم الحفيف= وان كان عندك شك اظن العين داخلها النعاس

ملبوسنا ماخالطه ياالاجودي شك وزيف= وانتم رجال كلكم ياطيبكم جوف اللباس

الشاعر مخلف الهقوات صح لسانك

استاذي الشاعر الكبيرعابد الثبيتي صح لسانك واعتلا شانك (الجبل الشامخ فعلا اسم على مسمي فانت شامخ كالجبال نفخر بك وبامثالك من الرجال) لك كل التقدير والاحترام متابع

انا شريف ولا اسكن الافي محلات الشريف=لكن لاتنكس ترانا مانحب الانتكاس

وحظك اللي مارما بك غير فالبحر المطيف=واللي يطب المعركه يصبر على ضرب الرصاص

انته شريف وحضرتي فوقك كما الضلع المنيف= لكن حنا ماعطانا غير بقياس ومقاس

ابشرك سباح مايفجعني البحر المخيف= والمعركه ماطبها ياكود صعبين المراس

هذا السنه مدري يصيف النخل ولا مايصيف=مريتكم طرقي واحينا فالجبل مثل الحساس

انت رجال تطرف مابها شي طريف= وياللي تدس العلم ترى العلم مافيه اندساس

يبا يصيف النخل وابشر جاك وبار وعريف= واللي يمر الضلع يقعد ياالثبيتي فالمحاس

العلم واضح للمفتح والبلا عين الكفيف= ومن لايدوس الراي قال الشاعر اظنه يداس

مااخبلك ياللي في جحيم النار تطبخ لك عطيف = انت تحمس مير انا اشوفك بعيد عن الحماس

المقفيه ماني بلاحقها ولا لحقها حسيف = وبعض عباد الله تهاوى للصحون ام الرساس