أنا احب استفز سعيد
وجدت له رد جديد على قصيدة للشاعر عبدالرحمن المسعودي
فحبيت اطرح هذه المداخلة ليست رد بالنيابة عن المسعودي
فهو شاعر ولا عليه قاصر ومتوقع بيرد رد الله يعين سعيد عليه
لكن احب أن انوه الى أن حسن الظن بكل الأمور مقدم على سوء الظن
ومثل ما نص القانون: المتهم بريء حتى تثبت ادانته
مراكبك غرقت بساحل بحورك=يا معلنٍ(ن)على الهذيلي حرابه
لا تسبر لغور البشر شوف غورك=اللي تناهش به شهاب الذيابه
يا مطلقٍ(ن)بالخبت شاين طيورك=طير القشر لو طار ماشي جابه
وترى السحاب اللي تشوفه نظورك=عالي مكانه والمكانة مهابه
يا شاهدٍ(ن)بالزور مكشوف زورك=ما أنت بنبي وإلا جليل الصحابه
احسن طعامك في عشاك وفطورك=الظن بعضه في جهنم عقابه
لا تحصد ذنوب العباد بقدورك=يا ذيب ياللي كل ريعٍ(ن)عوا به
خلك بحالك ما بعد حان دورك=قدام نكشف للصبا والصبابه
ترى الهذيلي ما تقرب مصورك=وما كل من يحلم بزاد اهتنا به
دارت سيوره وأنت دارت سيورك=والمال محمي عن يدين النهابه
شاهين بالمرقاب راصد عبورك=والحي ثلثينه فوارس شبابه
لكن نصيحة خل دينك طهورك=أحسن لظنك ياعميد العصابه
التميز
الإهداءات
أحسن لظنك ياعميد العصابه !!!
رد: أحسن لظنك ياعميد العصابه !!!
