كل عام وأنتم بخير وعادت العاده !!!

أبيات أهديها لقبيلتي بليلة عيدهم

بسم الله أبدا قصيدة من قصايدنا=بمعايد ألاد ثابت ربعي القاده
يا عزوتي يا ثبيت العيد شاهدنا=ما يختلف راينا ورده ومعواده
العيد يا ثبيت عادة من عوايدنا=كل عام وأنتم بخير وعادت العاده
وأنا أحمد الله تجمعنا تعايدنا=في ليلةٍ(ن)نورها وضاح بزياده
في عهد سلمان تاج الملك قايدنا=سلمان شيخ الملوك وربيعي أجناده
ولي عهده محمد نعم سيدنا=يا عل حكامنا للعيد عواده
حنا ليا قلت حنا يا سواعدنا=دون الملك والوطن والدين جلاده
لا من دعانا عقيد القوم جرهدنا=في كل ماقف ثبيت العز سداده
المجد من يومنا حنا توسدنا=لنا الفخر عزنا ملبوس و وساده
حنا على غيرنا عنوة تسيدنا=بالطيب حنا على كل العرب ساده
الجد بالمنسب المرموق سندنا=وصى عياله تحفظ المجد لأحفاده
وتاريخنا ما تغير لو تباعدنا=الأصل واحد ثبيت لجد عداده
كل القبايل بما نفعل تمجدنا=على عدود الرها بالعز وراده
ما نخلف لعهدنا للي موحدنا=عبدالعزيز الموحد ثبت قياده
على الشريعه توجهنا وترشدنا=تحكيمنا للكتاب بحكم وعباده
بالشرع حنا عن العالم تفردنا=حنا هل الحق حكامه ورواده
الأمن في مملكتنا من شواهدنا=الله يعز الوطن ويعز لأسياده
بالحمد ختم لقصيدة من قصايدنا=ومعايد ألاد ثابت ربعي القاده

والنعم فيكم


وصح لساااااااااانك وكل عام وانت بخير

صح لساااااااااااانك

كل عام وانتم بخير

صح لسااااااااااانك جزلة من جزل

صح لسانك واعتلا شانك ابداع لله درك


تقبل التحية

صح لسااااااااااااانك جزل وكل عام وانتم بخير

صح لسانك جزلة



يعطيك العافية

دامت لكم الافراح والليل الملاح

كل عام وانت بخير

وصح لساااااانك

صح لساااااااااانك والله يوفقكم ويسعدكم

كل عام والجميع بخير عاد عيدكم