الجزر و المد !!!

قصيدة جديدة علها تروق لكم

حاول تجامل ترخي الحبل وتشد=تكسب قلوب الناس بهون وسيله
خلك سواه البحر بالجزر والمد=ما تغيره غبر السنين الطويله
قابل تبسم صافح اليد باليد=كل ما تسوي ينحسب لك جميله
وليا جبرك الوقت للبعد والصد=اكرم لروحك لا تظلي ذليله
امش بطريقك والحذر خلفك تلد=ومن لا يعرف الدرب يأخذ دليله
الرجل يظهر معدنه ساعة الجد=ترى التهاون بالرجولة فشيله
ما كل رجلٍ(ن)حقق بدنيته مجد=ولا كل من يفتي بصاحب فضيله
بعض البشر محسوب في منزل العبد=لو كان له منسب وقوم وقبيله
وقت اللزوم يحط يده على الخد=راحت على مثله علومه دبيله
الضيف لو ينصاه ما قال له عد=كفه عن فعول الرجالة بخيله
في ذمتي أحسن منه فارع القد=أبو عيونٍ(ن)ناعساتٍ(ن)كحيله
ترقى سنود ولا يبيح لها سد=بنت الرجال الطيبين الأصيله
وإلا الهلامة ما يثلب ولا بد=الشكل رجل ولا يعادل حليله
وأنا أشهد إن الذل والبخل بالولد=تنعد بحساب الرذايل رذيله
ما يقطع إلا سيف مرهف وله حد=سيفٍ(ن)بليا حد نصبة خبيله
قد أيش أنا بعد لو شفي العد=كل واحدٍ(ن)بالناس وله فصيله
حاولت اجامل وارخي الحبل واشد=بكسب قلوب الناس بهون وسيله

صح لساااااااااااااااااانك


جزلة ومعبرة الله يوفقك

صح لسانك واعتلا شانك ابداع غير مستغرب

تقبل التحية

صح لسانك والله يعطيك الف عافية


احترامي

صح لسااااااااااااااانك


شاعر ما فيك حيلة

صح لسانك يا الشاعر المبدع لله درك

جزلة من جزل صح لسانك واعتلا شانك


تقبل التحية

صح لسانك ولا فض فوك يا سيد القوافي

صح لسانك كالعادة مبدع لله درك ايها الراقي

صح لسانك مليون ولا يكفون



تقبل التحاياااا