يسعود

البارحه في تالـي الليـل يسعـود=قامت هواجيسي فصـدري تحنـي
يسريبي الهاجوس مرات ويعـود=يبحث شريـط الذكريـات بتأنـي
قلت أساله بالحال مافيـه منقـود=أنته علامـك بالقشـر ممتحنـي
حملتني شرهات وعتاب وصـدود=أليـن بيحـت الخفايـا وكـنـي
قال العرب مابين حاوي ومـردود=ونته على روس النوايـف تغنـي
قلت أجمع القوات ضباط وجنـود=وبشر برمحـن فالملاقـى مطنـي
حنا هل الوقفات أبٌن عـن جـدود=زين الفعـول وردو العلـم عنـي
قال أستمع في كلمتي ونت مقصود=قـدام يطلعلـك ثمانيـن جـنـي
أبعد عن التفكير في كـل مقـرود=وتٌرك هروج الناس منـا ومنـي
سحابة النمـام لا بـرق ورعـود=مهما يسويله مـن إخـراج فنـي
أهل الحسد ماتعرف النقص والزود=وهل الوفاء شـرواك لازم تونـي
وقفى وخلاني على هبـت النـود=تضربي الأفكار فـي كـل ظنـي
وختامها مدري وش أقول يسعـود=فالهاجس اللي فالضمير أمتحنـي

اسمح لي ابدي اعجابي بقلمك وتميزك واسلوبك الراقي وتالقك

بارك الله فيك جزله من شاعر جزل لك تقديري ياصقر برقا وعساك على القوه

صح لسانك مليون ولا يكفون


ابداع راقي

صح لسانك للرضا



ابدعت وامتعت وافية من وافي

صح لسانك قصيدة وافية من شاعر وافي بيض الله وجهك

صح لسانك



قصيدة رائعة بروعة شاعريتك

ممتازة يا صقر



بنتظار جديدك الأقضل

ياليتك كملت يا صقر ولكن محافضتك وحرصك على غموض المعنى اجبرك تختم القصيده
صح السانك لين ترضى تحياتي

صح لسانك


قصيدة راقية ما عليها كلام


تقبل خالص تحيتي