للتواصل بدون فاصل
عسى السحاب اللي تركز مزونه=على الشمال يزورنا بالحجازي
تسقي ظوامينا همايل غشونه=يحيا بها سفح الجبل والمفازي
يجي لنا حيٍ(ن)بعيده ظعونه=ونقطف من زهور النوامي غرازي
يازينها من دار علو وطمونه=دار الشرف والطيب منها اعتزازي
يروق لي فيها القصيد ولحونه=ويطيب لي فيها من الريم جازي
ريمٍ(ن)معفى ما تعرض مهونه=ماذله الرامي ولا غزو غازي
ريمٍ(ن)ثلاث أرباع حسنه عيونه=تكسر لضوء الشمس مثل القزازي
والربع الأخر في بقايا فتونه=يا ويل قلبي ما يفيد إحترازي
عشقت رمعات الغزال وسكونه=لأجله ومن شأنه بصير انتهازي
وعشقت سجاته وعاشق جنونه=ولا هو بعيد أصير له بعد نازي
هو غايتي لو المسافات دونه=ماني محسب للعنا والروازي
الروح عطشانة لشوفه ولونه=حقيقةٍ(ن)ماهي بظن ومجازي
أحلام فكري عاشقات لفنونه=كل شيء ممنوعٍ(ن)بالأعراف جازي
عسى السحاب اللي تركز مزونه=على الشمال يزورنا بالحجازي
التميز
الإهداءات
عشقت رمعات الغزال وسكونه !!!
رد: عشقت رمعات الغزال وسكونه !!!
