هذه محاوره جرت بين الشاعرين /عادل الثبيتي/وراع الصدق في احد المنتديات
راع الصدق
سلام الله سلام(ن) يارفيقي يلفت الانظار= ومن لايلتفت محسوب ياعادل من الاموات
ترى من يظلم العالم يبا يصلا لهيب النار= وعلمي ياطويل العمر صح ومثبته باثبات
عادل الثبيتي
هلا يامرحبا ياصاحبي وانته عزيز وجار = وانا من مدتي مابخل عليكم حزة المدات
ترى كل البلا ياصاحبي فالثعلب المكار.=أنا اشوفه من الليله يحوم ويكثر اللدات
راع الصدق
يدوم الك البقا واللي ظلمنا مايحصل خار= وانا خابر طويقان العفر ضاري على الهدات
هذا وقت التعسف ياطويل العمر والاصرار= لكن افزع وهات ام الفتيل وناد لي صنات
عادل الثبيتي
انا مادري عن اللي صار جعلك تعرف اللي صار=عسى ماجالكم حذفه من اللي جات فالهيات
تركد يمكن الرجال يلفينا معه معذار =وندمح مامضى ياصاحبي من شرهه وزلات
راع الصدق
اشوفك تبكي المقتول وتلاحي مع الحفار= لكن الله عظيم الشان يعلم خافي النيات
وليد البوم مثل امه ولايغزي به الصقار= تبا تبطي عظم وانته ترجى حق فاللي فات
عادل الثبيتي
تراني ماغدى لي يالعتيبي شي جوف الدار =وممشانا عدال ولايجي في دربنا ميلات
توقع لاتسوي ياعميل الخير مثل الفار =وانا ماسفط عليك خلاف فالروحات والجيات
راع الصدق
الا ياعارف الوارد الاياعارف المصدار= ترى اهل الباديه مايوخذون الا على الغرات
جحا باع القصر ثم ابتلش شاريه فالمسمار= والا يابلشة الشاري مع اللي بايعه بالذات
التميز
الإهداءات
محاوره بين الشاعرين راع الصدق وعادل الثبيتي
