وش فيك تقطع رنة الخط وش فيك=أنــا معـك مصغــي بكـل الحـواس
توي أقـول إني مع البعـد مغليك=وتـوك تقـول إني مع البعد ناسي
وأنا من أول طمعتي في تساليــك=صوتــك يسليني ولـو كنت قاسي
إن كنت زعــلان(ن) ترانــي أراضيـك=ومعزتــك لأشيلكـم فـــوق راسـي
وإن كان بائع قولها قبل لا أجيـــك=خلـك صريح وخـل عندك حمــاس
وأنت تعرف إني من العام هاويك=حبك عصفني مثل عصف الخماس
وإن كان عندك عذر قوله أنا أفديك=لا تقطعيــن الخــط من غير بـــأس
مالي عليكم غصب بالطيب شاريك=لكــن إلي حـق العتـب والتماسـي
من كثرماأنت شاغل القلب طاريك=طيّــر لذيـذ النـوم وأخـر عماسي
واليوم أشوفك بعد زانت عوافيـك=بعت الذهب وأخـذت بعده نحـاس
أنا حسبتك فوق يوم إني أعطيــك=حلـو المشـاعر والشــعر واقتباسـي
وأعلمك عذب الغـزل كان يمديــك=والفــرق ما بين الشـبـه والجنــاس
كتبت لك زين الأحاسيس في شيك=وغلفتهــا مصـاغ جـوهـــر ومــاس
وأثـرك لعّــاب(ن) وطـــلاب تمحيـــك=الفـرق واضـح بيننــا بـالمقـــاسـي
أنت مثل سهل(ن) مريّــح لوا طيـك=وأنا مثل ضلـع(ن) مع الـوقت راسـي
كل يوم إلك زلة وكثرت طواريــك=كثرت مجاديفــك بحــور ومراسـي
قلّت تراحيبك وكثـرت شكـاويــك=تبدلــت أزهـــاركم باليبــاســـي
تغـدر بخــلانك وتشـتم مخــاويـك=ظاهـر حياتك صـار فيها انتكاسي
من زود خوفك تحسب الود يؤذيك=لا تنتظـر مني رجـاء والتماســي
بعد عرفتك في طبائعـك تشــكيـك=ما باقــي إلا نشـتبك بالكــراسـي
خلك بدربك بعد ذا اليوم ناســيك=خرجت من دنياك بعد انغماسـي
تلقى بدالي من طبـوعـه تجــاريـك=ويدوسكـم بعــد الرضـا بالمــداس
شربت كأس الـذل من كـف ساقيك=كأس(ن) شربتـه شـين ما هو بكأسـي
روح بطـريقـك والليـالـي تـوريــك=ترجع بعدها من هقاويك خـاسـي
ليا خسـرت اللي يحبـك ويحميــك=ما أنت بلاقي فالعرب مَن يواسي
إن كان إلك عقـلٍ(ن) وتفـكيـر يهـديك=ارجـع ترى الأيـام ربـح وفــلاسـي
وإن كان تفكيرك عن الحق معميـك=قِرْبَـة نهـايتكـم تـدق الجـراســي
ما عاد ينفــع فيك نصـح(ن) وتحــريك=ولا عـاد تنفع فيك حتى الدبـاسي
خيبت ظني فيك يا حضرة البيـك=أتعبتـني وأتعـبت حتى فـراسي
التميز
الإهداءات
حبك عصفني ..؟؟؟
