أسعدكم الله دنيا وأخرة
الأبيات على طاروق الرايح معروف بمنطقة الحجاز
عله يروق لكم
عاتبتني على ماش لفت إنتباه=ودها دايم أمشي مثل ظلها
كل قولٍ(ن)بلا شورها ما تباه=وكل فعلٍ(ن)تظن الهدف ذلها
تحلف بربها شك وإلا إشتباه=إنها صادقة ولً يا دلها
وتحلف بعينها والقليب وصباه=وتحلف بكلها كلها كلها
ماتعرف إن قلبي هواها سباه=ما سكن به سواها ولا مثلها
آه ياويل حالي غرامي عباه=ما بقا به مخابر على حلها
يا أريش العين ياللي جميلٍ(ن)نباه=طالبك ياغلا فلها فلها
المشاعر مغانم بسوق الجباه=عالقة فالصدر بالغلا تلها
خلنا نرتوي والعتاب نخباه=بل ريق المواجع وأنا أبلها
قبل لا يموت حبٍ(ن)زمانك رباه=فرصة العمر مرة ولا تزلها
وإن حدانا الزمن مثل باق غرباه=كل فكرة بعقلي تخيل لها
أنت ساكن بقلبي وربي حباه=تشغله بالهوى روحي وخلها
يا وليفٍ(ن)نسى لأجل عيني قرباه=عاتب ولوم وأشكر ولا تملها
وجامليني على ماش لفت إنتباه=ودي أكون روحك ولا ظلها
التميز
الإهداءات
عاتبتني على ماش لفت إنتباه !!!
رد: عاتبتني على ماش لفت إنتباه !!!
