ملهمتني قصيدي زان زخم القصيد=اطلقي لي من اسطبل القصائد جموح
اسرجيها بطاورقٍ(ن)ومعنى جديد=يطرب الروح ويداوي نزيف الجروح
كل ما قلت لالا جاوب الصوت سيد=لن سمع صوت طاروقي جوابه مدوح
حيث حبه سكن في خافقي والوريد=مستبيح الفؤاد وصار للـروح روح
اتغنى بحبه في لحون النشيد=وأتغزل بطيفه وين ما راح أروح
كان عندي قريب وكان عني بعيد=ما تغير هواه بسر نفسي وبوح
أتمنى وصاله شوفته لي عيد=وإن تعذر وصاله مات زهو الفروح
المشاعر بدونه قطعةٍ(ن)من جليد=والمشاعر بجوه طير عاشق صدوح
مير وقتي عنيد وزاد حظي عنيد=بعدت عني اللي مثل بارق يلوح
حال من دون مضنوني ليالي وبيد=زودت في حشايه غايرات القروح
ما تحقق مرادي بالزمان الشديد=الليالي تعاندني وحظي ذبوح
ما تحقق من الأحلام ماهو نريد=غير ونة تلوج بخافي ثم ينوح
هب ياحظي اللي بالمعاند مكيد=كادني لين ذقت من الغلايل فدوح
وأخر القاف ياقافي بكرر وأعيد=في فؤادي لمضنوني مشيد صروح
بنك عشقي لولفي ما يغيض الرصيد=شيك مفتوح يصرف ما عطيته شحوح
ملهمتني قصيدي زان زخم القصيد=اطلقت لي من اسطبل القصائد جموح
التميز
الإهداءات
نزيف الجروح !!!
رد: نزيف الجروح !!!
