السلام عليكم ورحمة الله وبركاته
هذه الأبيات موجهة للشعار المشاركين بمسابقة مركز السيل الشعرية
الأولى لعام 1430/2009م
ومطلوب الرد عليها من كل واحد منهم
ما يجي بالأوله غير الأصايل=والردية ما تجي بين الطلايع
غالية عند البدو عيال الحمايل=هي طماعتهم ليا جات الطمايع
دونها كم راح شيخ ودم سايل=ما عطوها من الغلا ثمن بضايع
والنوادر بينها دايم قلايل=ما خلطها هافيات ولا نزايع
الحرار الطيبة إلها فصايل=ما تشابه غيرها بكل الشرايع
مثل قرص الشمس في عز القوايل=ما تغطيه الكفوف ولا الذرايع
ما علاها لا عسام ولا مخايل=والتطبع ما يغير للطبايع
هي دلايلهم ليا بغوا دلايل=هي فخرهم لا تباهو بالروايع
هي جمايلهم ويا زين الجمايل=هي شفا لكبودهم يوم الوقايع
في نهار الضيق ما تغدي جفايل=الصنايع ما جزاها الا الصنايع
هي فخر لفعولهم بين القبايل=ما عرضوها بين شاري ثم بايع
طبت الميدان يا حظ الأوايل=صيتها بين العرب ظاهر وذايع
جاتنا منقية(ن)ماهي نفايل=ما بها اللي لا مشت قامت تتايع
من بنات أفكار ماضين الفعايل=الرجال اللي لهم الشعر طايع
ينقدون الفكر من كل الخمايل=صافي(ن)مثل الذهب بين السلايع
القصائد كلها تهول الهوايل=طيبة وثبيت تعدل كل تايع
قمت بنشرها عبر كل الوسايل=لين يغدي ذكرها ظاهر وشايع
بالصحافة والأذاعة والرسايل=ماني اللي لنتخا قالوا قطايع
الصمايل ما لها غير الصمايل=والأصايل دايم(ن)تجي طلايع
التميز
الإهداءات
ما يجي بالأوله غير الأصايل...خاص لشعار المسابقة
رد: ما يجي بالأوله غير الأصايل...خاص لشعار المسابق
