أسعدكم الله
الأبيات
يالله صباح الخير في كل الأصباح=مالا صباحٍ(ن)فيه هجر بصراحه
تقول ببعد لأجل ترتاح وأرتاح=ما تدري إن البعد ما فيه راحه
البعد لقلوب المحبين ذباح=من عاش به ما عاد يعرف سماحه
هواك جوف القلب مرفوع ما طاح=مصيون بلسان الوفا والفصاحه
ياما عليك القلب في غيبتك ناح=واليوم جاي تزيد نوحه مناحه
يا داعج العينين ياسيد الإملاح=ليتك مخلي للأماني مساحه
العهد فيك إنك ذكيٍ(ن)ولماح=تحسب حساب لكل كلمة وشاحه
كنت أعرفك صبار سدك ما ينباح=متقون راي بعقل كامل رجاحه
لكن حسافه ما بقي يمك أرباح=قطعك لحبل الوصل ظني وقاحه
قفلت باب الود من غير مفتاح=على الفداحة زدت فوقي فداحه
حولت حلم العمر لمطارد أشباح=لبس قناع المنذلة والقباحة
ما جاد به وقتي بعد جيته راح=ما عاد تبري للجروح الجراحه
هذا خيارٍ(ن)زود جروحي جراح=ما فيه فرقٍ(ن)بين طاحة وطاحه
قلبي تعود فوق طعنات الأرماح=والصدر ضايق ما هني بإنشراحه
الوقت كله غم ما يعرف أفراح=وجه الزمن عابس ولا به ملاحه
يالله صباح الخير في كل الأصباح=مالا صباحٍ(ن)فيه هجر بصراحه
التميز
الإهداءات
يالله صباح الخير في كل الأصباح !!!
رد: يالله صباح الخير في كل الأصباح !!!
