هلا يامرحيا في مرحبا شاعر بني مسعود

مساكم الله بالخير

عسى الديار ممطورة

ياشاعر بني مسعود

هلا يامرحبا في مرحبا شاعر بني مسعود=ليا صار الجبل عشبه خضر بتربع الديره
بني مسعود يا كاف البلا صاروا سواة الدود=عسى ربي يجيهم بالمطر وتربع الديره

صح لسانك


بانتظار قبيلك ليكتمل الابداع

مساء النور لكم جميعا

واعذروني توني دخلت وشفت ابيات بن هليل وهذا ردي


يدوم الك البقاء من شاعرن مايجهل المقصود = وان شاعر ولي وجهة نظر واتربع الديره


ياليت الي يجيب السالفه يحذر من المنقود = وانا ظني يموت من القهر واتربع الديره

صحت الالسنه والقلوب طاروق مميز بتميز شاعريه لهما التقدير وطيب المتابعه

صح بدنك يابو وسام ومتابعتك شرف ويعطيك العافيه


تقديري واحترااااااااااااااااااااااااامي

صح لسانك ياعبدالرحمن


تأخرت عنى راح الحماس

يابن مسعود خلك صافي النية تجيب الفود=لياجانا المطر نبت الثمر وتربع الديره
صحيح العلم والا ما أنت داري والغلط مردود=هذيلي علته قطع الشحر ماتربع الديره

كثير الي يسولف مير ربك يعلم المقصود = وابكتبلك سطر واترك سطر وتربع الديره


وايش الداعي لهذا القول مانته ربنا المعبود = ثبيتي وابك عله فاالنحر واتربع الديره

صحيح الله عليمٍ بالبشر من قبل عاد وهود=ويعلم مابقا بعدالحشر بتربع الديره
انا ودي اذكرك الزمان الفايت المقرود=بعد ياصاحبي زان العصر بتربع الديره

واعرف ان القلوب البيض ماتشبه قلوب (ن) سود = وفالدنيا كثيرات العبر واتربع الديره

انا الي جيت ابذكرك في قوم(ن) تخون اعهود = ومن خان العهد ماله قدر واتربع الديره

صدقت إن القلوب السود فيها علةٍ وجحود=كتبه الله عليها بالقدر وتربع الديره
اخاف انك معامل يالهذيلي بالزمان ايهود=صداقه ماوراها الا الفقر ماتربع الديره