ليت منهو شغلني ريح المشغول !!!

كل عام وأنتم بخير

الأبيات

ليت منهو شغلني ريح المشغول=ما تعذر بدنياه ومشاغلها
صرت ما اشوفه إلا عند راس الحول=والمغيبة سنة تبدأ من أولها
لين عقلي غدى من حيرتي مشلول=والمشاعر يطاردني تسولها
ودها بجيتك عقب الجفا المجهول=نار شوقي بقلبي ما تحملها
بعد ما كان فاعل صار بك مفعول=عشرة سنين خلفك ليش تنطلها
ذا تصرف غريب ينافي المعقول=ولفي اللي هويته كيف يعملها
كيف قلبه يطيعه بالفعل والقول=روحي اللي تحبه ليش زعلها
ما يجيني ولا حتى بعث مرسول==غيبته باين بصده يكملها
مير ماني معذر لو جفاه يطول=لو قطعني حبال الود أوصلها
ما شغلني سواه من البشر مجمول=ربي اللي على قلبي مفصلها
مستحيل أتناسى منطقٍ(ن)معسول=حسنها غير رب الكون جملها
لو تناسى وصعبت للوصال حلول=ربنا قادر بحكمه يعدلها
بنتظر جيته مهما الزمان يطول=والقصائد بسويها وبرسلها
تذكره بالغرام وحالي المعلول=عل غيبته عني ما يطولها
من زرع له زراعة يرجي المحصول=بالصبر نردع الروح وتوسلها
ما بطاوع ظنون ولا عذل عذول=فيه روحي عصية يا عواذلها
ليت منهو شغلني ريح المشغول=ما تعذر بدنياه ومشاغلها

صح لسانك مليون ولا يكفون وكل عام وانت بخير


تقبل التحية

صح لسانك دائما مميز


وكل عام وانتم بخير


تقبل التحية

صح لسانك دائما تبهرنا بقصائدك

صح لسانك يا سيد القوافي ما شاء الله عليك وكل عام وانت بخير

صح لسانك وسلم بنانك ابدااااااااااااع

صح لسااااااااااااانك


قصيدة رائعة بروعة شاعريتك

صح لسانك واعتلا شانك ابداع يتجدد


تقبل التحية

صح لسانك واعتلا شانك


ابدااااااااااااااع

صح لسانك يا استاذ الشعر


ابداع


كل عام وانت بخير