التصويت على مسابقة قصيدة في ساعة

بسم الله الرحمن الرحيم

نطرح أدناه القصائد المشاركة في مسابقة قصيدة في ساعة

التي تمت بمجاراة للبيت المطروح أدناه


خلك على خبري كما ريحة العود .......اذا احترق بالنار يزداد طيبه


سوف تطرح القصائد تباعا ولك التصويت لترشيح القصيدة التى تراها جديرة بالفوز

لكم التحية

الوقت مثل السيف بالحيل محدود= محدود ويقص العظام الصليبه
احرص علاه وزيد بالجهد مجهود= وان ضاع وقتك كل شي يغدي به
والعمر يفنى واخر العمر للدود= افطن لعمرك قبل وضع النصيبه
اغنم زهرها قبل لايابس العود= مادام عوده مايبس في ركيبه
ترى الليالي البيض ماتشبه السود= والادمي رب الخلايق حسيبه
الدين واضح دربه اليوم مجرود= واضح وضوح الشمس مافيه ريبه
وصلاة ربي عد ماهبت النود= على نبي بالهدى نقتدي به

خلك على خبري على منهج العود=منهو أعتزاء بالعود ماهي غريبه
االباب لضيفان ماهو بمرود=كلآ من الضيفان يالقاء نصيبه
هذي دلال أمبهره تقعد الفود=وهذي صحون مجهزه من عصيبه
البيت مبني ورفع الصوت ياسعود=بيتن رفيع ولاء يجي فيه غيبه
رحب وهلي والعمر صار محدود=افرح ليا زار القريب قريبه
الاش لاتقربه ماعنه منشود=يوم الكرم وطيب ماهو بجيبه
الذيب يعوي ما نواء فود=الذيب فالمرقاب تسمع قنيبه

بسم الله الرحمن خالق ومعبود=أول كلام(ن)بالشعر نبتدي به
من بعدها يا طالب النقص والزود=ماهو كتب للعبد لازم يصيبه
حنا بشر وأحلامنا ما لها حدود=شيء(ن)نجيبه والبعض ما نجيبه
نركض مع الدنيا جماعات وفرود=اما مدحنا الحظ والا نعيبه
ما ندري إن الأمر بكتاب مرصود=والعبد ربك بالقيامه حسيبه
كنا بذا الدنيا نبا نخلد خلود=طول الأمل ينسي عواقب رهيبه
ما تذكر إنك كنت في يوم مولود=تحضنك كف الوالدين الحبيبه
ولا تذكر إنك بعد بتروح للدود=في منزله يا شينها من تريبه
هالوا عليك الرمل وأمسيت ملحود=في حفرة ظلما حقيره كئيبه
هذي نهاية كل من كان موجود=اما بجنة خلد والا لهيبه
ما تزرعه بدنياك تلقاه محصود=في يوم ما ينفع قريب لقريبه
يوم الجوارح تصبح خصوم وشهود=والحاكم الله والخلائق منيبه
يوم تمنى فيه لو إنك تعود=تمسح خطايا دنيتك لو غصيبه
لكن يا هيهات منته بمردود=كل(ن)على ماقيل حظه نصيبه
حاسب قبل ما تصير فاني ومفقود=ترى الندم ما يفيد بعد المصيبه
ترى القدر ما يمهل الشاب والعود=ليا حانت الساعة غديت الطليبه
وختامها يالله يا مذري النود=رحماك ما غيرك لجأ نلتجي به

خلك على خبري كما السيف محدود= في لازمه عند الامور الصعيبه
ويمناك لاتقصر عن الطيب والجود= من دون ربعك كالجبال الصليبه
وخلك بشوش وتفرح الورع والعود= وبالك تعارض كل سيل وشعيبه
الفود ماجابه يقع راعي الفود= والا النذل يبلش ويبلش طليبه
هداج تيما صافي الجم مارود= من جاه ضامي يهتني في شريبه
وبالك تعارض كل هابي ومقرود= وابعد عن اللي فيه شك(ن) وريبه
هذا الكلام اللي مجرب ومشهود= تشهد علاه اهل القلوب اللبيبه

تم التصويت ..

وبالتوفيق للجميع..

أرق التحـــايـــ شوق القصيم ـــــا

بالتوفيق

وصحت الالسن مبدعين كلكم


تم التصويت

صح السانكم

قصايد جميلة وجزلة الحقيقة

سوف يتم التصويت وبالتوفيق للجميع

أخوكم / صقر عتيبة

تم التصويت
والله يوفق الجميع

تم التصويت

:::::::::::::::::::::::::::::::::::::::::::::::