أبيات لعلها تروق لكم
يافكرة الليل ربي لا يجازيك خير=
طيرتي النوم من عيني وطال السهر=
الفكرة اللي تراودني هدفها عسير=
والنعسة اللي مدورها ماعنها خبر=
ياسرع نوم العيون ليا نوى للمطير=
أسرع من الرمشة اللي في حقيق النظر=
الليل كله كما اللي باللهب مستجير=
العين تقدح شرر والفكر يقدح شرر=
غديت للهاجس الزاير سواة الأسير=
من مغرب الشمس لين الصبح فكري ممر=
أمني النفس والمأمول بالله كبير=
القادر اللي بتدبيره جميع البشر=
اللي أريده على ربي وحكمه يسير=
قادر يبدل لحالي بعد عسر بيسر=
يارب قرب لي اللي ملتوي بالضمير=
اللي لظلمة هواجيسي سواة القمر=
اللي معزته عندي مالها من خشير=
في داخل الروح مرباعه سنين العمر=
اضم ذكراه في صدري صباح وعصير=
واشوف طيفه بعيني واحضنه بالصدر=
لن زارني بالمساء طيفه يانعم السفير=
الليل كله هواجيسي تدير الفكر=
أقضي لليلي وصبحي لأجل طيفه سهير=
والله يعين العيون وتكتحل بالصبر=
مغير أنا والقصايد والسهر مستطير=
أقطَّع الليل بالذكرى ونظم الشعر=
يافكرة الليل ربي لو يجازيك خير=
طيرتي النوم من عيني وطال السهر=
التميز
الإهداءات
طال السهر !!!
رد: طال السهر !!!
