تنزف قلوب الشوق في قرب وبعاد !!!

أسعدكم الله بكل زمان ومكان

الظاهر الاجازة اخذت الناس راحوا يتمشون

مدري الشعار صار دمهم ثقيل ما عاد يجيبون قصائد من اللي يطلبه السوق

عاد أنا قصائدي مثل البضائع الصينية مغرقه السوق لكن تتلف بسرعة

الليلة جايب لكم منتج لأول مرة ينزل بأسواق الشرق الأوسط

لا يفوتكم فالكمية محدودة

في غفلة عن عين عاذل وحساد=الله بتدبيره وحكمه جمعنا
تعانقت نظراتنا والهوى زاد=فرحة عُمر من وقتنا واقتطعنا
ساعة تقابلنا على خير ميعاد=أنا وخلي بالمكان اجتمعنا
ياحلوها لحظات ياليت تنعاد=نسرق بها من شوقنا ما استطعنا
من حبنا اللي فطر قلوب وأكباد=عدة سنين وبعدنا ما قنعنا
تنزف قلوب الشوق في قرب وبعاد=بُعد المسافة والزمن ما منعنا
نعلن مشاعرنا على روس الأشهاد=ياما نظمنا بالقصيد وطبعنا
نرسم مشاعرنا قديمات وجداد=نأخذ من أيام الهوى ما وسعنا
دام الهوى لقلوبنا عذب منقاد=لو به هلاك أرواحنا ما رجعنا
وشلون برجع عنك ياسيد الأسياد=يرخص لك الغالي ومالٍ(ن)نفعنا
يا أحلى بنات آدم ومن ينطق الضاد=يا أعذب لصوتٍ(ن)بالعذارى سمعنا
كل ليلة أعلن للهوى عيد ميلاد=ترقص به الأحلام والطيف معنا
طيفك رفيق الروح في صحو ورقاد=يحضن حلوم النوم لا من هجعنا
يلهمني الأشعار ولحون الإنشاد=لولاك يا كل الغلا ما صنعنا
كل الليالي لا تذكرت أعياد=حتى لو إن البين زود وجعنا
يمكن يجي غفلة عن عيون حساد=بتدبير ربٍ(ن)بالمودة جمعنا

صح السااانك يابن هليل ويعطيك العافيه

تحياااااااااااااااااااااتي

دام الهوى لقلوبنـا عـذب منقـاد

لو به هلاك أرواحنـا مـا رجعنـا

الله الله

ابدعت يا استاذ الشعر

تقبل التحية

روووووووعة صح لسانك شاعرنا المبدع ربي يسعدك

الله الله


مبدع بكل حالاتك

شاعر متمكن لله درك

صح لسانك لين ترضى

صح منطوقك يا مبدع القوافي



تقبل الاعجاب

صح لسانك واعتلا شانك ابدعت وامتعت

مابقدر الا اقول صح لسانك يا استاذ الشعر ربي يسعدك يارب

استاذ الشعر والشعراء صح نبضك والقلم ربي ما يحرمنا منك

لله درك صح منطوقك وفيت وكفيت لا هنت