بدون شعور لا بشعور انادي والحلوم فزوع !!!

أسعدكم الله


اليكم الأبيات علها تروق للبعض او الكل

متى عيني تشوف اللي لها بين الضلوع ربوع=مواطنها بوسط القلب وعروقي لها أنهار
تسقي عشقك اللي بالحشا ياغايتي مزروع=نتاجه ياهوى بالي قوافي بأعذب الأشعار
متى نبضي يضم النبض في قلبٍ(ن)سجنه ضلوع=متى تطلع زهور الورد في غصنٍ(ن)غطاه غبار
متى يبرى خفوقٍ(ن)من غرامك يالغلا مليوع=وتسكن روحي الولهى على شوفتك بالأنظار
يمر اليوم عقب اليوم والأسبوع عقب إسبوع=أراقب جيتك وإلا اتصالك تطلب المعذار
أهوجس بك وأنا صاحي وأفز بغفوتي مفزوع=ليا مني حلمت بغيبتك والبعد دون الدار
بدون شعور لا بشعور انادي والحلوم فزوع=تزورك وأنت لاهي في حياتك والغرام أسرار
تجيني بالأمل وتبين المسموح والممنوع=هواجيسٍ(ن)تهدي لوعتي وتهدي الأفكار
تجدد لي أمل يرجع تواصل بيننا مقطوع=يدور الوقت بأحسن منه ننسى ما مضى لوجار
تطيب جروح توجعني ويبرا خافقٍ(ن)موجوع=وترتاح المشاعر من ملاوع وقتي الدوار
كذا وإلا كذا قلبي على عشقك غدا مطبوع=محال يحل به غيرك من الزينات مهما صار
تخيرته ولا لي عنه لو طال الزمان رجوع=رفيق العمر كله ماني بعايش بعده أعمار
يزين الحظ وإلا شان ياشافع ويامشفوع=فداك الروح ترخص لك عيونٍ(ن)دمعها مدرار
ما دام إن الهوى مشروع أكيد إن الوفا مشروع=خيارٍ(ن)مالنا غيره على طول الليال خيار
متى عيني تشوف اللي لها بين الضلوع ربوع=مواطنها بوسط القلب وعروقي لها أنهار

مصافحة ملكية



صح لسانك يامبدع القوافي


دائما تتحفنا بتألقك


لك خالص التحية

روووووووعة تسلم ايدك بنتظار جديدك

صح لسانك واعتلا شانك



كعادتك مميز

صح لسانك للرضا




ابداع لله درك

صح لسانك اخوي


رووووووووووعة

يا سلام ياسلام



ابداع شاعر



صح لسانك

معاني في قمة الروعة..!

كالينابيع العذبة ..!!

روت منها مشاعرنا ... بدون شعور

حتى ارتوت !

صح لسانك على هالرائعه

احترامي وتقديري ,,,





دمت بخير ,,,

صح لسانك واعتلا شانك



مبد دائما


تقديري

يا سلام على الابداع



راقية بكل ما تعني الكلمة