وجهك قصيده ونظراتك هوى يسحر

وجهك قصيده ونظراتك هوي يسحر=من بس اشوفك يجيني هاجس الهوجاس
وكل ابحرت ودي فيك ازيد ابحر=واحس الانفاس تتلاقى مع الانفاس
خذني بصدرك نصير احمر على احمر=خذني عن الناس وابقى انت كل الناس
البسني تحت الزراير يوم تتزرر=وامزج هوانا كما لوحه تذوب احساس
الخوف اغرق بلحظه وانت ما تشعر=اخاف اصحى مجرد سطر في قرطاس
واني مجرد بقايا حلم يتبعثر=وانك صدى صوت يتحايل كما الوسواس
خليني عصفور بغصانك لقى مهجر=وصب لي من وصالك بالسنه لو كاس
راهنت فيني على فينك ومن يخسر=وارخيت حبلي وفي كفك تشيل الفاس
داريت همسي وما داريت لي مخبر=فضحت شوقي لخاطر خاطرك ينباس
اعشق ورودك ولكن وردك الاصفر=يطعن بشوكه كما نبلات بالاقواس
استنفرك داخلي واصيح بك واجهر=واعلن جنوني وادقه مثلما الاجراس
ما اظن انا وانت في العشاق نتكرر=ولا ظن درب(ن) مشيناه بعدنا ينداس

بقلم اخوكم

ميلاد اليماني

لا ابيح النقل دون ذكر المصدر

صح السانك قصيدة جميلة

تقبل مروري

طرح جميل قصيدة رائعه خيال واسع

صور جميلة معاني عذبة

لك تحيااااااااااتي

لله درك



قصيدة رائعة

يا سلام عليك



قصيدة رائعة



صح لسانك

ابدعت لا هنت يا ميلاد



راقية برقيك

تسلم اخوي قصيدة روووعة


صح لسانك