النفس مجبوله على عشقـة الزيـن = لاصار حسن الدل زين الطبوعـي
قلبي خضر ويحب طـار المزاييـن = وان حل ذكر الزين ضلا يزوعـي
يزوع مثل الطير خفـق الجناحيـن = لانهد فوق الصيد وقـت النزوعـي
ولولا ضلوعي تمسكه راح نصيـن = وانا احمد الله يوم دونـه ضلوعـي
اثر المحبه سقـم للنـاس ياحسيـن = واثـر المحبـه سهمهـا مايتوعـي
واللي تصيبه بالسهـم فالـه الشيـن = يقعد طريح(ن) غصب ماهو بطوعي
والحب يالاجواد معـروف نوعيـن = حب (ن)عفيف وحب ماله سنوعـي
لي عشقة(ن) والناس ماهم بداريـن = مااحد عرفها من هلـي والربوعـي
حبيتها والحـب لـه مـدة سنيـن = حب(ن) على وضـح والشروعـي
حب(ن) على درب النقا والقوانيـن = حب (ن) مطول لاتحسبه سبوعـي
والان اوضـح للرجـال المتاقيـن = اوصاف حبي بين كـل الجموعـي
حبي ترى بالاذن ماشافـت العيـن = معشوقتـي حبيتهـا بالسمـوعـي
اوصافها ترجـح بكـل الموازيـن = وليا ذكرت اوصافها طار شوعـي
حاشا مايوجد مثلها مع هل الضيـن = ولامع الحضـران قـوم الشموعـي
خدودها كالبـرق والجسـم بالليـن = تجهر عيونـي لوبـدت بالطلوعـي
وتشوف مخ جاري (ن) وسط ساقين = اللي خلقها متقـن (ن) باتلبروعـي
وان شربت الما شفت مجراه بالحين = مع حلقها مثـل الفلـج بالزروعـي
ولو بصقت فالبحرعود كمـا العيـن = بعد الملوحـه حلـو والله يروعـي
والاسم خمس حروف للي فطينيـن = كل(ن) يعرفه في جميـع الفروعـي
والله لوتشـرى لا سـوق الملاييـن = وانهج والم الربع وايـا الفزوعـي
لكنهـا ماخلقـت الا لاهـل ديـن = اللي على دينه شفوق(ن) طموعـي
واللـي يباهـا يالرجـال الفهيميـن = عن حبها حـذرا يحـط الوقوعـي
من قصائد راع الصدق تقبلوا تحياتي
التميز
الإهداءات
حورية الجنه
